JESU’ KALSUAN BANG

PITHAINI JULY 21 AMOS 7:1-9 En in, ka mi Israel-te a khialhna uh a kitheih nadingin hih khaukhai tawh ka en hi. [AMOS 7:8] JESU’ KALSUAN BANG သခင်ယေရှုကဲ့သို့ လိုက်လျှောက်အသက်ရှင်ခြင်း WALKING LIKE JESUS Ben in computer software a kiteitawnte tawmman zaw ahih manin kum tampi sung zang hi. Tua pen neihtuam van (copy rights) thukhunte tawh a kituahloh hangin a khial-in kingaihsun lo hi. Mi khempeuh in zong tua dana a hih nungsang a tam man software a cii-takte (original) pen leikul laizang ding? Kua’n hong sittel ding ahiam? Ahi zongin Pasian’ sehna tan tawh kituakin nisima nuntak ding vai thugenna khat a zakkhit ciangin Ben zong thu umthak khat ahihna tawh lamdang sa mahmah hi. “A maan a, gamta cih bangteng himawk hiam? Tua nungah Ben in a software a cii-takte tawh laih dingin khensat a, tampitak mah beilawh hi. Ahi zong a lawmte kiangah “Pasian in thei hi. Ama’n a maana i gamtat ding hong zawn hilo hiam? ” ci hi. Amos 7 ah Pasian in Israel-te kiangah ama’ sehna tan cih pen deidan neilo, kicingin mi khempeuh zattheih ahih manin ama’ teltuam minamte zong huam ahihna gen hi. Ama’ thukhunte leh gamtatzia tawh kisai, sehziate pen “tuitai ahkl. khuakhai” (plumb line) tawh kibang hi (tg.8). Tuitai cih pen innlamte zat hi a, zawlkhunna ah veiletak kimmaw kim lo cih leh khuamphuhna ah tang maw tang lo cih tehna hi. Pasian thukhual ahih hangin ama’ thuman thutang bel khiam theilo hi. Tua hang mahin i mawhna tanga si dingin a Tapa hong sawl hi. Topa’ deih bangin kalsuan maw kalsuan lo cih Lai Siangtho in hong lak hi. A hong hehpihna tawh Pasian in amah a umte ama’ lungkimna nam leh amah a minthangsak ding namin, a nuntakzawh nading, cihnopna ah a maanin gamta dingin, hong huh hi. LESUE KOH Na nuntakna a bang munte ah Topa’ khaukhai zang ding na hiam? Nuntakna ah “maantaka kalsuan” cih pen bangci dan hiam? Kong it Pa aw, na Tapa Jesu tawh kisun dingin nong sam hi. Neu-in lian taleh na khempeuh ah nangmah hong pahtawizosak ta in. KUMTAWN LAI SIANGTHO|LATE 29-30; SAWLTAK 23:1-15