A KHAUHPAI PASIAN’ ITNA

PIZINGNI JULY 13 JOHN 3:16-21 Pasian in leitung mite hong it mahmah ahih manin … khat bek ahi, ama’ Tapa hong piakhia hi. [JOHN 3:16] A KHAUHPAI PASIAN’ ITNA ဘုရားသခင်၏ အစွမ်းကုန် မေတ္တာတော် GOD’S DRASTIC LOVE Daniel pen Rominia, tagah kepna ah suakin kum 7 a phak dong tuibuk a zuat hun losiah a lupna ah om hi. Kum 8 a phak ciangin gamdang mi innkuan khat in ta dingin la uh hi. Tua innkuante in itna thu ah teknekna om thei cih tel uh a, Daniel in ama’ nu leh pa-in simzo paklo ding ahihlam thei uh hi. Damdamin Daniel in amau muang semsem napi, lunghamin kitomvat thei ahih manin amau zong micingte a cial hun uh om hi. Tua panin bawldamna a buaihuai khat kipan uh a, kum 5 sung Daniel a om hithiat, lungsim a nem laitak nangawn ompih den uh hi. Kum 13 cin suahni ciangin Daniel hong kikhelin a nu leh pa’ kiangah a it mahmahna thu pulak hi. Hih tawh kisai, a nu’ tom genna ah “Itna khat hong pian nadinga vaihawmna pen nel den, nem den lo hi, itna cih pen galphual tawh kibang” ci hi. I vekp- in i suah a kipan bang hiamkhat, ahkl. kua hiamkhat a kisam lai danin i lungsim sungah om hi. Daniel mah bangin itna thu ah teknekna khat i vom hi Ahi zongin Pasian in “Leitung mite hong it mahmah” ahih main thu khauhpai khat vaihawm a, “Khat bek ahi ama’ Tapa hong piakhia hi” (John 3:16), tua tawh leitung galphual sunga om eite hong kimuhpihin ei’n tua pen mihingin hong piang i ci a, “Leitung ah khuavak hong tung khin hi” (tg.19). Pasian in hong it mahmahna hong lah nadingin thu a khauhpai pawlkhat vaihawma tua pen nang’ ading hi. Zuapa’ lungtang a vom eite hong itna tawh a lungtang kisai setset Pasian in a nu a pa’ tunga Daniel’ pulak “hong it mahmah ing” a cih kammalte za nuam hi. JOHN BLASÉ Na khatpeuh ahkl. mi khatpeuh a mansuah danin na kingaihsun ngei hiam? A lian mahmah itna hong pia Pasian’ tungah lungdam bangci koh ding na hiam? Van a Pa aw, nang kong it mahmah hi. Kei nong it masak manin ka nuam hi. KUMTAWN LAI SIANGTHO|LATE 7-9; SAWLTAK 18