PASIAN’ SUNGAH KIPKHO

LAITHAINI JULY 24 HEBREW 6:17-20 Tua i lametna pen … sikkawikip khat bangin i nunna kha hong bitsak hong kipsak hi. [HEBREW 6:19] PASIAN’ SUNGAH KIPKHO ဘုရားသခင်၌ မြဲမြံစွာ ရပ်တည်ခြင်း ANCHORED IN GOD Zingsang hita, ka pasal in a phone hongin ama’ deih “Ka nunna kha hong kipsak” cih phatna la ngai hi. Tua lamalte in haksatpen hun a, Pasian’ sunga lametna thu gen hi. Dan’ sakpih tua la sungah tuipi tuihualte kilokin tuinawldung a satnate hong phawksak hi. Himahleh a lamal sung mahah Pasian in hong lenkip ahih manin eite i hoih kei hi ci hi. Hih lamalte in tembaw sikawikip ii nasep kiteltakin hong lak hi. Sikkawikip in tembaw kiptak a om theih nadingin tuinuai lei sungah a “khutbawmte” phutsuk hi. Tua hangin tuiluang a khauh hun nangawnin tembaw kiloklo-in tui in tailo hi. Sikkawikip pen tanglaipek pan Khristian upna etsakna lim khatin kizanga nuntakna haksatpen hun nangawnah kiptaka i let Khris’ sunga i neih lametna thu a lakkhia ahi hi. Hebrew lai-at pa in “Tua i lametna pen … sikkawikip khat bangin i nunna kha hong bitsak hong kipsak hi” ci hi (HEBREW 6:19). Tua lametna pen Jesu hi a, “a kikhel ngeilo ama’ hihna thu” a umte’ ading a muanhuai bitna mun ahi hi (tg.17). Pasian in thuciamna hong piak banah kiciamna khat bawl lai a, tua pen “A kikhel ngeilo tua thu nih tawh … Pasian’ lam pan zuaugen ding cih a piang theilo” cih ahi hi (tg.17-18). Tua hangin Topa’ kamciam a len eite in “hansuahna khauh” i nei ding hi (tg.18). Pawlkhatte a muanhuai lo nate ahi, amau’ aituam ngimna leh zongsatna hoihlote’ sungah sikkawikip khiakha thei ding uh hi. Muanhuai-in kingakhtaak ci-a i theih Pa’ sungah sikkawikip khiat ding hoihzaw tham hi! Huihpi tuihual in hong nawk ciangin kiptakin i lenkip thei hi. I nunna kha pen Pasian’ sungah kipkho hi. PATRICIA RAYBON Bang nam nuntak huihpi lauhuai lakah Pasian na letkip hiam? Bangcia Pasian pen a muanhuai bukna mun hithei hiam? Kong it Pasian, kiptakin nangmah kong len hi. Nuntak huihpi lauhuai lakah ka nunna kha kiptakin nong omsak manin ka nuam hi. KUMTAWN LAI SIANGTHO|LATE 35-36; SAWLTAK 25