A TAWNTUNGIN HEHPIHNA PHAT

NILAINI JULY 15 EPHESUS 5:15-20 Na nuntakzia limtak kidawm un. … a tawntungin leh na khempeuh hangin Pa Pasian’ tungah … hehpihna phat un. [EPHESUS 5:15, 20] A TAWNTUNGIN HEHPIHNA PHAT အစဉ်မပြတ် ကျေးဇူးတော်ချီးမွမ်းခြင်း ALWAYS GIVING THANKS California tuinawldung khen a, om ngasa siahna ngawi lianpi khat sungah ton 50 (tawi then thum) a gik a nungkul whale ngapi khat awk hi. Tuitung dawkto dingin a kitomteh khauzang tampitak lakah kivialcip hi. A honkhia dingin tuilutsiam mi li in tua ngapi’ nuai-ah tui pekphei uh hi. Nai khat sung bang khauzangte attat uh a, a taktakin ngapi ii a pheneupen khat in vatkha leh a sithei uh ahih manin lauhuai hi. A kivialteng a hahsiang khit uhteh ngapi taikhiat pah sawmlo-in a honkhiate khatta damtakin a pumpi tat hi. A honkhia-te khat in “lungdam hong ko tawh kibang sa ing” ci hi. Ngapite in lungdamna lak thei maw lakthei lo cih thukhat, mihingte’ adingin lungdam thei cih pen a thupi khat hitaktak a, Pasian tawh kizopna ah zong tua pen thupipen hi. Ei’ a tamzaw in thupha lianpi i cih (nausuak, natna pan dam) cihte ah Pasian’ tung lungdam i ko hi. Himahleh Paul in i san khuttawi thupha khempeuh, i ngah nahoih neunote’ hangin lungdamko dingin hong hilh a, “A tawntungin Pa Pasian’ tungah hehpihna phat ding” ci hi (Ephesus 5:20). Khatveivei ahkl. a tuamkaideuh hunte bek hilo-in a tawntung hiding hi. A kitelbeh nadingin Paul in “Hunpha laksiam zatsiam un” ci-a “Na khempeuh hangin hehpihna phat un” ci hi (tg.16,20). Lungdam theihna taktak cih pen i zatzel zel kamsiam ciang bek hilo-in i nuntakna ii limlemel pua hi. Lungdam theihna in Pasian lamah hong heipha pha-in kipakna tawh lungdam hong kosak den hi. WINN COLLIER Tuni, bang thupha hangin Pasian’ hehpihna phat ding na hiam? Lungdamkoh theihna lamah bangci kihei ding na hiam? Kong it Pasian, hehpihna a phatthei nuntakna ka neihtheih na’ng hong huh ta in. KUMTAWN LAI SIANGTHO|LATE 13-15; SAWLTAK 19:21-41