HUH DINGIN KIGINGKHOL

LAIZINGNI JULY 23 EPHESUS 2:1-10 Eite Pasian’ khutma i hi a, … nahoihte a sem dingin … Khris Jesu’ sungah hong kipiangsak ahi hi. [EPHESUS 2:10] HUH DINGIN KIGINGKHOL ကူညီရန် အသင့်ရှိပြီ PREPARED TO HELP Ka lawm pen mai deuhah mawtaw hawl sittelna a lut ma-in a kitanga mawtaw hawl kisin phot kul hi. Ka hilhtheih nading a lemna mun thungetna tawh ka zon laitak veng sunga mawtaw khawlna mun zaipitak a nei biakinn khat ka phawkkha hi. Mawtaw hawl kisinna lakah a ginalopen khat ahi ding tutphahte gualin tua kikala lutsakna tawh ama’ ading khatveina mawtaw hawl kipan thei hi. Pastor pa in a naisan ciimel nei singtawng khat hong tawi a, tua pen mawtaw hawl sittelna a kizangte tawh kibang hi. Amahmah mel kitheihna hong bawlin “Hihte a kizang thei dia?” ci hi. “Nungkalin veng sunga hong tungthakte bangci panpih thei ding cih kikupna nei ung” ci a, “I mawtaw khawlna sungah mawtaw hawl kisinte hih singtawngte zangsak ni ka kici uh” ci hi. Midangte huh dingin amau kigingsa-in om a, ka lawmnu’ adingin thupha lianpi ahi uh hi. Mi huh dingin kigingsa-a om cih pen Pasian in ei’ adingin leh ei’ sungah hong seppen lian mah hipah hi. Eite in nahoih i septheih nading leh mite thudon dingin hong “koihkholhsak khin” ahi hi (Ephesus 2:10). Paul in eite pen “Pasian’ khutma i hi hi” (tg.10) a cih bangin ama’ lamlahna tawh ama’ ngimna a tangtung nadinga a semte ihi hi. Pasian pen “Nakpi-in a thukhual” hi a, (tg.4) hotkhiatna cih zong Pasian’ kiang pan khuttawi ahi hi (tg.8). Nahoih i sepna pen ei’ tungtawna Pasian’ nasep hizaw hi. Pasian in eite hong kigingkholsak a, midangte’ kiang i batsakzawh nadingin lainatna leh pilna hong guan ding hi. ANNE CETAS Pasian in bang citpiak thuphate hong guan ahi hiam? Na khualetui’ ading midangte tawh bangci kopin nasem ding na hiam? Kong it Pasian, midangte’ kisapna ka muhtheih nading leh nangma’ sepnop thu ka tel na’ngin hong huh in. KUMTAWN LAI SIANGTHO|LATE 33-34; SAWLTAK 24