SABA SABA YASHEREHEKEWA KWA AMANI NA UTULIVU - ZANZIBAR

Wakati wafanyabiashara wakiadhimisha Siku ya Sabasaba, baadhi yao wamesema jambo kubwa linalowapa faraja ni kupata fursa ya kufanya biashara kwa uhuru katika eneo jipya walilotengewa, wakieleza kuwa hatua hiyo imeanza kuvutia wateja na kuongeza matumaini ya kukuza biashara zao. Wakizungumza na Asam Online TV, wafanyabiashara hao wamesema wanaridhishwa na mazingira ya eneo hilo, wakiamini kuwa yataongeza ufanisi wa shughuli zao na kuwapa nafasi nzuri ya kuendeleza biashara zao kwa utulivu. Hata hivyo, wameiomba Serikali kutatua changamoto zinazowakabili, hususan ukosefu wa huduma ya umeme, wakisema upatikanaji wa huduma hiyo utachochea zaidi ukuaji wa biashara na kuongeza mapato yao. Kwa upande wake, Mjumbe wa Kamati ya Ugawaji wa Nafasi katika eneo la Garden, Said Ali Suleiman, amesema changamoto zilizobaki zipo katika hatua za kushughulikiwa, huku akiahidi kuwa mamlaka husika zinaendelea kutafuta suluhisho la kudumu kwa manufaa ya wafanyabiashara wote. Wafanyabiashara hao wameeleza matumaini yao kuwa maboresho yanayoendelea kufanyika, ikiwemo upatikanaji wa huduma ya umeme, yataongeza fursa za biashara na kuchangia maendeleo ya uchumi wao pamoja na jamii kwa ujumla. #Zanzibar #Sabasaba #Biashara #Garden #Wafanyabiashara #AsamOnlineTV #TrendingNow