UNDP YAKABIDHI BAJAJI 14 KWA SERIKALI YA ZANZIBAR

Serikali ya Mapinduzi ya Zanzibar kupitia Ofisi ya Rais – Katiba, Sheria, Utumishi na Utawala Bora imepokea bajaji 14 pamoja na gari moja kutoka Shirika la Umoja wa Mataifa la Maendeleo (UNDP), kwa lengo la kuimarisha utendaji wa Idara ya Katiba na Sheria katika utoaji wa huduma kwa wananchi. Akizungumza katika hafla ya makabidhiano, Waziri wa Nchi, Ofisi ya Rais – Katiba, Sheria, Utumishi na Utawala Bora, Mhe. Haroun Ali Suleiman, amesema msaada huo utaongeza ufanisi wa watumishi na kuboresha utekelezaji wa majukumu ya kila siku. Kwa upande wake, Mwakilishi Mkazi wa UNDP Tanzania, Bw. Shigeki Komatsubara, amesema UNDP itaendelea kushirikiana na Serikali ya Mapinduzi ya Zanzibar katika kuimarisha sekta ya sheria, utawala bora na upatikanaji wa haki kwa wananchi. Naye Kaimu Mkurugenzi wa Idara ya Katiba na Sheria, Bi. Moza Rajab Baraka, ameishukuru UNDP kwa msaada huo, akieleza kuwa bajaji hizo pamoja na gari hilo vitarahisisha utoaji wa huduma na kuongeza uwezo wa kuwafikia wananchi kwa wakati. Hafla hiyo imehudhuriwa na viongozi wa Serikali, maafisa wa Idara ya Katiba na Sheria pamoja na wadau wa maendeleo, huku ushirikiano kati ya Serikali na UNDP ukielezwa kuwa nguzo muhimu katika kuimarisha huduma za kisheria na utawala bora Zanzibar. #ASAMOnlineTV #Zanzibar #UNDP #UtawalaBora #Katiba #Sheria #Maendeleo #Habari #News #FYP #ForYou #Trending #TikTokTanzania #Viral #GoodGovernance #Development