DC LAILAH AAGIZA BI. AZIZA AKAMATWE KWA TUHUMA ZA KUHUJUMU MAJI - MTOFAANI

Mkuu wa Wilaya ya Magharibi "A" Unguja, Lailah Burhan Ngozi, ameagiza kukamatwa kwa Bi. Aziza Ali Hamad, mkazi wa Shehia ya Mtofaani, kwa tuhuma za kuhujumu huduma ya maji baada ya kudaiwa kujihusisha na uunganishaji wa maji kwa manufaa binafsi, hali inayodaiwa kusababisha baadhi ya wananchi kukosa huduma hiyo. Agizo hilo limetolewa wakati wa ziara ya kusikiliza kero za wananchi katika Shehia ya Mtofaani, Wilaya ya Magharibi "A" Unguja, Mkoa wa Mjini Magharibi. DC Lailah amesema Serikali haitamvumilia mtu yeyote anayehujumu huduma za kijamii na kuathiri ustawi wa wananchi, akisisitiza kuwa sheria zitachukua mkondo wake kwa yeyote atakayebainika kufanya vitendo hivyo. Kwa upande wake, Sheha wa Shehia ya Mtofaani amesema amekuwa akifanya jitihada za kumuita Bi. Aziza kwa lengo la kutatua suala hilo kwa njia ya mazungumzo, lakini amedai kuwa amekuwa haiti wito wa uongozi wa shehia, hali iliyosababisha kuchukuliwa kwa hatua za kisheria. #ASAMOnlineTV #Zanzibar #MagharibiA #Mtofaani #HudumaYaMaji #Habari #News #FYP #Trending #TikTokTanzania #Viral #RuleOfLaw #Community