MBUNGE PONDEZA AJITOSA KUMSAIDIA KIJANA WA MAKWACHU ALIYEPOOZA MWILI

Mbunge wa Jimbo la Chumbuni, Mhe. Ussi Salum Pondeza, amemtembelea kijana Juma Mkuya Juma, ambaye anakabiliwa na changamoto ya kupooza mwili baada ya kupata ajali alipokuwa akipiga makwachu katika Bahari ya Maruhubi, Wilaya ya Mjini, Mkoa wa Mjini Magharibi. Akizungumza na ASAM Online TV, Mhe. Pondeza amesema yuko tayari kushirikiana na wadau mbalimbali kuhakikisha Juma anapata matibabu stahiki na kurejea katika hali nzuri ya afya. Ameeleza kuwa hatua za awali zitaanza kwa kumpatia huduma za kitabibu kupitia Kliniki ya Hospitali ya Wilaya ya Lumumba kwa ajili ya uchunguzi na tathmini ya afya yake, kabla ya kuendelea na matibabu yanayohitajika. Kwa upande wake, mama wa Juma, Bi. Ashura Juma, amemshukuru Mbunge Pondeza kwa moyo wa kujali na kufuatilia hali ya mwanawe, akisema hatua hiyo imeirejeshea familia yao matumaini mapya. Naye Juma Mkuya Juma ametoa shukrani kwa Mbunge wa Jimbo la Chumbuni pamoja na mwakilishi wa eneo hilo kwa kumtembelea na kuonesha dhamira ya kumsaidia kupata matibabu. Aidha, kijana anayehamasisha upatikanaji wa wafadhili kwa ajili ya matibabu ya Juma amesema anaendelea kushirikiana na wadau mbalimbali ili kuhakikisha msaada unaohitajika unapatikana na kumrejeshea Juma matumaini ya kuendelea na maisha yake. #ASAMOnlineTV #Zanzibar #Chumbuni #JumaMkuya #Afya #Msaada #Habari #News #Community #FYP #ForYou #Trending #TikTokTanzania #Viral #Hope #TogetherWeCan