KISAUNI YAACHANA NA KERO YA BARABARA MBOVU

Serikali ya Mapinduzi ya Zanzibar inaendelea kuboresha miundombinu ya barabara ili kurahisisha usafiri, kuunganisha maeneo mbalimbali na kuchochea maendeleo ya kijamii na kiuchumi. Wananchi wa Kisauni wameeleza kufurahishwa na ujenzi wa barabara yenye urefu wa kilomita tatu kutoka Kisauni Mkunazi Samaki hadi Kwarara kwa Ngurangwa, wakisema mradi huo umeondoa changamoto ya muda mrefu iliyokuwa ikiwakabili kutokana na ubovu wa barabara hiyo. Wamesema kukamilika kwa barabara hiyo kutarahisisha usafiri wa wananchi, usafirishaji wa mazao pamoja na upatikanaji wa huduma muhimu, hatua itakayochangia kukuza uchumi wa eneo hilo. Akizungumza kuhusu mradi huo, Msimamizi wa Barabara kutoka Wakala wa Barabara Zanzibar (ZANROAD), Suleiman Issa Suleiman, amesema Serikali iliamua kutekeleza ujenzi huo baada ya kutambua umuhimu wa barabara hiyo na changamoto zilizokuwa zikiwakabili wananchi. Ameongeza kuwa mradi huo ni sehemu ya jitihada za Serikali za kuendelea kuboresha miundombinu ya usafiri ili kuinua maisha ya wananchi na kuharakisha maendeleo katika maeneo mbalimbali ya Zanzibar. #ASAMOnlineTV #Zanzibar #ZANROAD #Barabara #Miundombinu #Maendeleo #Kisauni #Habari #News #FYP #ForYou #Trending #TikTokTanzania #Viral #Infrastructure