Pergatitje per parandalimin e sulmeve terroriste (26 Nentor 2001)

Lajme Arkiva 2001 Tanke e pushkë do të vihen në shërbim për të luftuar terrorizmin. Këto manovra janë shpeshtuar që pas 11 Shtatorit në çdo repart ushtarak. Megjithëse larg epiqendrës së sulmeve terroriste, në kudër të luftës kundër terrorizmit dhe forcat e ushtrisë shqiptare janë duke demonstruar e përgatitur për një luftë të tillë. Brigada e Tankeve Zall Herr, e cila është ngritur 38 vite më parë, deri tani ka kryer misione të rëndësishme me trupa të divizioneve të ndryshme. Këtë herë për të vëzhguar aftësinë e saj ushtarake në ndërhyrje terroriste është ftuar Shefi i Shtabit të Përgjithshëm, Gjenerali Pëllumb Qazimi dhe Komandanti i Forcave Tokësore, Gjeneral Kosta Karoli. Këta janë ushtarë të rinj, ende pa bërë betimin, të cilët kanë mësuar të ruajnë njësinë e tyre nga terroristët. Një grup terroristësh sulmon dhe asgjëson një roje në vend qëndrimin e tij. Me ndërhyrjen e forcave të gatshme u hap zjarr duke shënuar të vrarë nga të dyja palët. Po kështu është demonstruar dhe një akt i tillë në një zonë të banuar, ku fitimtare ndaj terroristëve ka dalë Brigada e Tankeve. Shefi i Shtabit të Përgjithshëm, Pëllumb Qazimi, thotë: Ne po përpiqemi dhe po kryejmë veprime praktike në bashkëpunim me Ministrinë e Rendit Publik si dhe me institucione të tjera të vendit, me Shërbimin Informativ Shtetëror, që vendi ynë të mos ndodhet në befasi, por duhet të kemi parasysh një fakt, që unë e theksova dhe më parë, që këtu elementi i befasisë është tepër i dukshëm, pasi siç e pame dhe me ngjarjet në Shtetet e Bashkuara të Amerikës, njerëzit vetë kthehen në një mjet civil, në një armë vdekjeprurëse shkallë-madhe, me pasoja të jashtëzakonshme. Kështu që detyra jonë është që edhe ne me këtë stërvitje treguam që po merren masa praktike, jo vetëm për të qene në gjendje për të parandaluar, por njëkohësisht në qoftë se ndodhin, për të eliminuar sa më shpejt të jetë e mundur pasojat që mund të ketë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/