Kthehet trupa ushtarake nga Iraku, priten në Rinas nga Majko e familjarët - (19 Prill 2005)

Lajme Arkiva 2005 Është kthyer në Shqipëri kontingjenti i trupave komando shqiptare me mision në Irak. 71 trupa komando, pas misionit të tyre gjashtë mujor në koalicionin ndërkombëtar “Liria e Irakut”, janë kthyer në atdhe me një mision ushtarak ndërkombëtar të kryer me sukses. Ushtar i kontingjentit: “Ne e mbaruam këtë detyrë me sukses dhe më e rëndësishmja është që të gjithë jemi shëndoshë e mirë.” Ministri i Mbrojtjes, Pandeli Majko, ka përgëzuar në aeroport trupat e kthyera. Kësaj radhe trupat shqiptare kanë vepruar më me siguri në patrullimet dhe veprimet e tyre në Mosul, duke treguar nivel të lartë të pregatitjes. Pandeli Majko: “Po për mua sot është një ditë e veçantë, është misioni i tretë që djemtë kthehen të gjithë dhe ky ishte një mision ndoshta nga më të suksesshmit. S’patëm asnjë plagosje, asnjë problem. Besoj që ky do të, këtë fat të mirë do të kenë edhe misioni që është aktualisht në Irak, jam i bindur.” Nga ky kontingjent janë dekoruar nga kompania e operacioneve “Liria e Irakut” të Mosulit tre efektiva, një oficer, një nënoficer dhe një ushtar profesionist./tvklan.al Gazetare: Aranita Brahaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/