Kontingjenti ushtarak shqiptar në misionin paqeruajtës në Afganistan-(16 Gusht 2006)

Lajme Arkiva 2006 Një tjetër kontingjent ushtarak shqiptar prej 22 personash, pjesë e batalionit të tretë të këmbësorisë do të shërbejë në misionin paqeruajtës ndërkombëtar në Afganistan. Tre oficerë, 12 nënoficerë dhe 7 ushtarë profesionistë do të jenë pjesë e kontingjentit turk në forcën ndërkombëtare. Ceremonia e rastit u organizua në batalionin e tretë të këmbësorisë në Poshnje të Beratit. Në ceremoni morën pjesë zv/Ministri i Mbrojtjes, Petrit Karabina, komandanti i forcave tokësore, gjeneral brigade, Shpëtim Spahiu, zyrtarë të tjerë të lartë të Ministrisë së Mbrojtjes, përfaqësues të pushtetit lokal në Berat, familjarë e të afërm të pjesëtarëve të kontingjentit. Flamuri kombëtar iu dorëzua komandantit të kontingjentit të nëntë paqeruajtës në Afganistan, kapiten Elidon Këmborës. Ishin të pranishëm gjithashtu atashe ushtarakë dhe shefi i kryesisë së këshillit të koordinimit të bashkëpunimit ushtarak të Republikës së Turqisë në Tiranë, kolonel Hashmet Akiz, dhe përfaqësues të misioneve ushtarake të huaja në Shqipëri. Zv/ministri Karabina siguroi mbështetjen e qeverisë ndaj efektivëve të këtij kontingjenti paqeruajtës./tvklan.al Gazetar: Fatos Hakorja SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/