Ministri i Mbrojtjes Pandeli Majko viziton komandot shqiptare në Mosul - (11 Tetor 2003)

Lajme Arkiva - TV Klan 2003 Pamje mbulim – Ministri i Mbrojtjes Pandeli Majko ka zhvilluar një vizitë pune në Kuavajt, së bashku me gjeneralin Luan Hoxha dhe drejtues të lartë të ushtrisë shqiptare. Zoti Majko gjatë vizitës në Kuvajt është takuar me kryeministrin e vendit dhe krerët më të lartë të ushtrisë së Kuvajtit. Më pas ministri Majko i shoqëruar me një avion amerikan është nisur drejt Mosulit, për të vizituar trupat tona komando me mision në Irak. Majko ka marrë pjesë në ceremoninë e dekorimit të komandove shqiptarë nga amerikanët. Gjatë takimit me trupat komando, Majko ndihet krenar dhe ka falënderuar ushtarët tanë për misionin e tyre ushtarak. Pandeli Majko:- “Ky është një ndër misionet do thosha, ndoshta një ndër më të suksesshmit të forcave të armatosura të Shqipërisë dhe për faktin se ka një zhvillim shumë pozitiv të mënyrës se si forcat e armatosura po konceptojnë misionet. Ky është misioni më i konceptuar, duke pasur parasysh se këtu kemi të gjitha mjetet që këtu vijnë nga strukturat e forcave të armatosura. Por ajo që do të thosha është që pavarësisht se ne kemi investuar goxha, në këtë drejtim, ushtarët ngelen pika më e fortë e këtij misioni dhe suksesit të tij. Sot jam jashtëzakonisht i emocionuar, për fjalët e mira që dëgjova nga amerikanët dhe nuk ishin fjalë protokollare, nuk ishin fjalë diplomatike, për punën që kishin bërë ushtarakët tanë, por ishin fjalë që vlerësojnë cilësinë dhe standardin dhe nga kjo pikëpamje ushtarakët tanë janë treguar ndër më dinjitozët. Ndihem krenar për atë se çfarë shikoj këtu të ketë realizuar fjala shqiptar dhe kjo i dedikohet këtyre djemve të mrekullueshëm”./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/