Ceremonia e betimit te trupave Komando ne Zall-Herr - (20 Prill 2002)

Lajme Arkiva - TV Klan 2002 Pas katër javëve stërvitje, ushtarët e rinj të trupave Komando në Zall-Herr kanë bërë sot betimin ushtarak. Të përzgjedhur nga degët ushtarake në këto forca, 365 rekrutët e rinj, tashmë kanë përvetësuar objektivin kryesor, formimin individual të ushtarit me mentalitetin ushtarak. Në ceremoninë e betimit ka marrë pjesë Ministri i Mbrojtjes Luan Rama, i shoqëruar nga shefi i shtabit të përgjithshëm të forcave të armatosura, gjeneral major Pëllumb Qazimi. Modernizimi i forcave të armatosura dhe strukturimi i tyre, tha gjatë fjalës së tij ministri i mbrojtjes është prioriteti kryesor për të përmbushur detyrimet për anëtarësimit në NATO dhe në BE. Luan Rama:- “Pikërisht ky emër, ky autoritet dhe prestigj, që kanë krijuar brezat e komandove është edhe obligimi që ju bën juve, të jeni më të vendosur, të jeni më vizionar, të jeni më të angazhuar për të përmbushur me nder dhe sukses, detyrat që keni përpara”. Trupat Komando të Zall-Herrit, janë kontingjenti më i përgatitur, i forcave tona të armatosura. Aktualisht 70 ushtarë komando janë me misionin paqeruajtës në Bosnje. Ndërkohë një kontingjent tjetër prej 70 forcash është duke u përgatitur për të udhëtuar në fillim të Majit po drejt Bosnjes./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/