PPRA YASHINDA SABASABA 2026

Mamlaka ya Udhibiti wa Ununuzi wa Umma (PPRA) imeibuka mshindi wa tuzo katika Maonesho ya 50 ya Biashara ya Kimataifa ya Dar es Salaam (Sabasaba 2026), mafanikio yanayotokana na ubora wa banda lake, utoaji wa elimu kwa umma na huduma bora kwa wananchi na wadau waliotembelea maonesho hayo. Katika kipindi chote cha maonesho, PPRA ilitoa elimu kuhusu sheria, kanuni na taratibu za ununuzi wa umma, matumizi ya mifumo ya kielektroniki katika ununuzi wa Serikali, pamoja na fursa zinazowawezesha wazabuni kushiriki kikamilifu katika zabuni za umma. Wananchi na wadau mbalimbali waliotembelea banda la PPRA walipata fursa ya kupata ufafanuzi kuhusu huduma zinazotolewa na mamlaka hiyo, huku wakisisitiziwa umuhimu wa uwazi, ushindani wa haki na uwajibikaji katika mfumo wa ununuzi wa umma. PPRA imeeleza kuwa ushindi huo ni chachu ya kuendelea kuboresha huduma zake, kuimarisha matumizi ya teknolojia katika ununuzi wa umma na kuongeza juhudi za kutoa elimu kwa wananchi na wadau ili kuhakikisha mfumo wa ununuzi wa umma unaendelea kuwa wenye ufanisi na kuchangia maendeleo ya taifa.