GAVANA WA BOT ATEMBELEA MAONESHO YA SABASABA

Gavana wa Benki Kuu ya Tanzania -BOT-, Emmanuel Tutuba, amesema sekta ya benki nchini inaendelea kuwa imara, huku benki zote zinazosimamiwa na BOT zikiwa na mitaji ya kutosha, ukwasi wa kutosha na uwezo wa kuendelea kutoa mikopo kwa wananchi na wafanyabiashara. Utuba ameyasema hayo katika Viwanja vya Maonesho ya Kimataifa ya Biashara ya Sabasaba jijini Dar es Salaam, wakati akizungumza na wanahabari na kuelezea hatua za BOT za kutangaza kiwango cha riba ya Benki Kuu kila robo mwaka ni sehemu ya sera ya fedha inayolenga kudhibiti mfumuko wa bei na kuhakikisha uchumi unaendelea kuwa imara. Amesema kuwa kiwango cha riba ya Benki Kuu ndicho kinachoongoza upatikanaji wa fedha kwa benki za biashara, ambazo baadaye huzipeleka fedha hizo katika mzunguko wa uchumi kupitia mikopo kwa sekta mbalimbali. Aidha ameongeza kuwa shughuli za masoko ya fedha zinaendelea kuimarika, huku dhamana na hati fungani za Serikali zikiendelea kuvutia wawekezaji. Alibainisha kuwa mfumo wa riba za soko unachochea ushindani, ambapo wakati mwingine Serikali hukopa kwa gharama nafuu zaidi, huku wawekezaji wakinufaika na mfumo wa SEMA NA BOT umeongeza ufanisi katika kupokea na kushughulikia malalamiko ya wananchi, hatua inayorahisisha mawasiliano kati ya Benki Kuu na umma pamoja na kuboresha huduma kwa wananchi.