VETA YANYAKUA TUZO MSHINDI WA TATU SABASABA 2026

Mamlaka ya Elimu na Mafunzo ya Ufundi Stadi (VETA) imefanikiwa kunyakua tuzo ya mshindi wa tatu katika Maonesho ya 50 ya Biashara ya Kimataifa ya Dar es Salaam (Sabasaba 2026), hatua inayotambua ubora wa ushiriki wake, ubunifu wa teknolojia na utoaji wa elimu kwa wananchi. Katika kipindi chote cha maonesho, VETA ilionesha bunifu mbalimbali za teknolojia zilizobuniwa na wakufunzi na wanafunzi wake, huku ikitoa elimu kuhusu kozi za ufundi stadi, fursa za mafunzo na mchango wa elimu ya ufundi katika kukuza ajira, ujasiriamali na maendeleo ya viwanda. Wananchi waliotembelea banda la VETA walipata fursa ya kujionea teknolojia na ubunifu mbalimbali, pamoja na kupata ushauri kuhusu njia za kujiunga na mafunzo yanayotolewa katika vyuo vya VETA nchini. VETA imeeleza kuwa tuzo hiyo ni motisha wa kuendelea kuimarisha ubora wa mafunzo ya ufundi stadi, kuendeleza ubunifu wa teknolojia na kutoa huduma bora kwa wananchi, sambamba na kuendelea kuchangia maendeleo ya uchumi wa taifa kupitia ukuzaji wa ujuzi na maarifa.