Khit Thit Evening News | April 22, 2026

Khit Thit သတင်းဌာန၏ ဧပြီ ၂၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၂၂ ရက် ညနေပိုင်း တင်ဆက်ပေးမယ့် သတင်းတွေကတော့ အကြမ်းဖက် မင်းအောင်လှိုင်က အာဆီယံအဖွဲ့ကို လူမှုကွန်ရက် သတင်းအမှားတွေအပေါ် အခြေခံပြီး သူတို့ကို ဖိအားပေးနေတယ်လို့ ညည်းတွားလာပြီး အာဆီယံရဲ့ အသိအမှတ်ပြုမှုရဖို့ ကြိုးပမ်းသွားမယ် ဆိုပြီးတော့ပါ မင်းအောင်လှိုင်ကိုယ်တိုင် သူတို့ကို အာဆီယံက အသိအမှတ်မပြုတဲ့အပေါ် ထုတ်ဖော် ပြောဆိုလာပါတယ်။ လူမှုကွန်ရက်မှာ ကိုရင်ငယ်လေး ၁ ပါးကို လူမဆန်စွာ ရိုက်နှက်နေတဲ့ ဗီဒီယိုပျံ့နှံ့လာပြီးနောက် ကျူးလွန်သူ မြိတ်မြို့၊ ကျောက်ဖြူတောင်၊ ပဋိပတ္တိ တောရကျောင်းက ကျောင်းထိုင်ဘုန်းကြီး ဦးတေဇကို မြိတ်မြို့နယ်သံဃာနာယကအဖွဲ့နဲ့ ရဲက ဖမ်းဆီးပြီး လူဝတ်လိုက်တယ်လို့ သိရပါတယ်။ ပခုက္ကူအကျဉ်းထောင်မှာ စစ်တပ်ရဲ့ လိမ်လည်လှည့်ဖျားခေါ်ဆောင်မှုကြောင့် ဘက်ပြောင်းသွားတဲ့ PDF ရဲဘော်တွေကို စစ်တပ်က ထောင်သွင်းအကျဉ်းချထားတယ်လို့ Southern YSO PDF တာဝန်ခံ ကိုအောင်မောင်းက ရန် ကုန်ခေတ်သစ်ကို ပြောပါတယ်။ အီရန်အစိုးရထဲမှာ အကွဲအပြဲတွေ ဖြစ်နေပြီလို့ အမေရိကန် သမ္မတ ထရမ့်က ပြောဆိုတာကိုရော အမေရိကန်ရဲ့ အပစ်ရပ် သက်တမ်းတိုးမှုအပေါ်ကိုပါ အီရန်ဘက်က ဘာမှ တုံ့ပြန်တာမျိုးမရှိတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။