Khit Thit Morning News | 7 July 2026

Khit Thit သတင်းဌာန၏ ဇူလိုင် ၇ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၇ ရက် မနက်ပိုင်း တင်ဆက်ပေးမယ့် သတင်းတွေကတော့ -စစ်ခေါင်းဆောင် မင်းအောင်လှိုင်ရဲ့ ညွှန်ကြားချက်နဲ့ အစိုးရဌာနတွေရဲ့ လျှို့ဝှက်ရုံးစာတွေ၊ ဌာနဆိုင်ရာ ဓာတ်ပုံနဲ့ ဗီဒီယိုတွေ လူမှုကွန်ရက်ပေါ် ပေါက်ကြားတာကို တားဆီးဖို့ Non-CDM နိုင်ငံဝန်ထမ်းတွေကို ပြင်းပြင်းထန်ထန် အရေးယူမယ်ဆိုတဲ့ လျှို့ဝှက်အမိန့်တစ်ရပ် ထုတ်ပြန်ထားတယ်လို့ သတင်းရင်းမြစ် တွေက ပြောပါတယ်။ -မကွေးတိုင်း၊ ဂန့်ဂေါမြို့နယ် လယ်မရွာမှာ တော်လှန်ရေးရဲဘော်တွေနဲ့ အရပ်သားတွေကို အစုလိုက် အပြုံလိုက် သတ်ဖြတ်ခဲ့တဲ့ စစ်ဆင်ရေးမှာ ပါဝင်ခဲ့တဲ့ ပျူစောထီးတစ်ဦးကို အရှင်ဖမ်းမိခဲ့တယ်လို့ Black Dragon Force (အထူးလှုပ်ရှားတပ်ဖွဲ့) တာဝန်ရှိသူက ပြောပါတယ်။ -စစ်ကိုင်းတိုင်း၊ မုံရွာမြို့ အနောက်မြောက်ပိုင်းတိုင်းစစ်ဌာနချုပ် (နမခ) ကနေ စစ်ကိုင်းမြို့ရှိ တပ်မ ၃၃ ကို သွားတဲ့ စစ်ယာဉ်တန်းအတွက် လုံခြုံရေးယူပေးနေတဲ့ စစ်ကောင်စီတပ်သားတွေကို တော်လှန်ရေး တပ်ဖွဲ့က မိုင်းဆွဲတိုက်ခိုက်ခဲ့ရာ စစ်သား ၂ ဦး သေဆုံးပြီး ၁ ဦး အပြင်းအထန် ဒဏ်ရာရခဲ့တယ်လို့ လင်းယုန်ညီနောင်ပြောက်ကျားတပ်ဖွဲ့ တာဝန်ရှိသူတစ်ဦးက ပြောပါတယ်။ ၂၀၂၆ ကမ္ဘာ့ဖလားဗိုလ်စွဲဖို့ ရေပန်းစားခဲ့တဲ့ ထိပ်သီးနှစ်သင်း ထိပ်တိုက်တွေ့ဆုံပွဲမှာ စပိန်အသင်းက ပွဲချိန် ၉၁ မိနစ်မှာ သွင်းယူခဲ့တဲ့ မိုရီနိုရဲ့ တစ်လုံးတည်းသောအနိုင်ဂိုးနဲ့ ပေါ်တူဂီကိုအနိုင်ရရှိပြီး ကွာတားဖိုင်နယ်ကို တက်ရောက်သွားခဲ့တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။