Khit Thit Evening News | 6 July 2026

Khit Thit သတင်းဌာန၏ ဇူလိုင် ၆ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၆ ရက် ညနေပိုင်း တင်ဆက်ပေးမယ့် သတင်းတွေကတော့ -အာဏာရှင်ဟောင်း နေဝင်းရဲ့ မြေးတွေက မြန်မာနိုင်ငံမှာ YBS အစီး ၅၀၀ အတွက်ချေးငွေ ပြန်မဆပ်တဲ့ အမှုဟာ နောက်ဆုံးအယူခံမှာလည်း ထပ်ရှုံးသွားပြန်ပေမယ့် မင်းအောင်လှိုင် အားကိုးနဲ့ အကြွေးပြန် မဆပ်ပြန်ဘူးလို့ ရန်ကုန်ခေတ်သစ်ရဲ့ သတင်းရင်းမြစ်တွေက ပြောပါတယ်။ အကြမ်းဖက် မင်းအောင်လှိုင်ရဲ့ ညွန်ကြားချက်အတိုင်း NLD လက်ထက်က ဆောက်ခဲ့တဲ့ ဗိုလ်ချုပ် အောင်ဆန်းရုပ်ထုတွေကို ဖျက်ဆီးဖို့ စီမံချက်မှာ တောင်တွင်းကြီးမြို့၊ ရေစကြိုမြို့နဲ့ မအူပင်မြို့က ဗိုလ်ချုပ်အောင်ဆန်းကြေးရုပ်တွေကိုစစ်တပ်နဲ့ စည်ပင်က ထပ်မံဖျက်ဆီးလိုက် ပြန်တယ်လို့ ဒေသခံတွေက ရန်ကုန်ခေတ်သစ်ကို ပြောပါတယ်။ မြန်မာနိုင်ငံမှာ စစ်တပ်အရာရှိအကြီးပိုင်းတွေ ကိုယ်တိုင် တနည်းမဟုတ်တနည်းနဲ့ ပါဝင်ပက်သက် နေတဲ့ ကျားဖြန့်အွန်လိုင်းငွေလိမ်စခန်းတွေအတွင်း လူတွေကို လျှပ်စစ်နဲ့ ရှော့ခ်တိုက်တာ ၊ နေပူထုတ်လှမ်းတာတွေ ၊ အမှောင်ခန်းအတွင်း ထည့်ထားတာတွေ အပါအဝင် ညှဉ်းပန်းနှိပ်စက် သတ်ဖြတ်မှုတွေ ရှိနေတယ်လို့ ပြန်လွတ်လာသူတွေက ထပ်မံ ထုတ်ဖော်ပြောဆို လာကြပြန်ပါတယ်။ အမေရိကန်က အရှေ့အလယ်ပိုင်းမှာရှိတဲ့ ဟော်မုဇ်ရေလက်ကြားကနေ ဘယ်နိုင်ငံကမှ သင်္ဘော ဖြတ်သန်းခ ကောက်ခွင့်မရှိဘူးလို့ ပြောဆိုထားတဲ့အချိန် အီရန်နိုင်ငံက ဟော်မုဇ်ရေလက်ကြားမှာ ဖြတ်သန်းသွားလာတဲ့ သင်္ဘောတွေအပေါ် ဝန်ဆောင်ခအသစ် ကောက်ခံသွားမယ်လို့ ပြောဆိုလာ ပြန်သလို ၊ တရုတ်နိုင်ငံအပါဝင် အီရန်ရဲ့ မိတ်ဆွေနိုင်ငံတွေအတွက်တော့ အထူးသက်သာ ခွင့် ပေးသွားမယ်ဆိုပြီး ပြောဆိုလာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။