khit Thit Afternoon News | June 23 2026

Khit Thit သတင်းဌာန၏ ဇွန် ၂၃ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၃ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -မြန်မာစစ်တပ်က ရွေးကောက်ပွဲကို ခြိမ်းခြောက်မှု၊ မက်လုံးပေးမှု၊ အဓမ္မ ဆင့်ခေါ်မှုတွေနဲ့ ကျင်းပခဲ့တာကို တွေ့ဆုံမေးမြန်းမှုတွေအရ စိစစ်တွေ့ရှိရတယ်လို့ ကုလသမဂ္ဂ လူ့အခွင့်အရေးမဟာမင်းကြီး ဖော့လ်ကာ တာ့ခ် (Volker Turk) က မနေ့က အစီရင်ခံစာ ထုတ်ပြန်လိုက်ပါတယ်။ -မန္တလေးတိုင်း၊ မြင်းခြံခရိုင်၊ တောင်သာ မြို့နယ်ထဲက အမျိုးသားညီညွတ်ရေးအစိုးရ (NUG) ရဲ့ စိုးမိုး အုပ်ချုပ်ရေးနယ်မြေအတွင်း ပြည်သူ့လွတ်မြောက်ရေးတပ်တော် (PLA) တပ်ဖွဲ့ဝင်တွေက ဒေသခံပြည်သူ တစ်ဦးကို ဖမ်းဆီးကာ ငွေကျပ်သိန်း ၂၀၀၀ နဲ့ ပြန်ပေးဆွဲငွေညှစ်ခဲ့တဲ့အပြင်၊ သူတို့ဆုတ်ခွာသွားတဲ့စခန်းမှာ မိုင်းထောင်ထား ခဲ့တာကြောင့်နယ်မြေခံကာကွယ်ရေးရဲဘော် ၄ ဦး ကျဆုံးခဲ့ရပြီး အများအပြား ထိခိုက် ဒဏ်ရာရရှိခဲ့ တယ်လို့ NUG ကာကွယ်ရေးဝန်ကြီးဌာန သတင်းထုတ်ပြန်ချက်နဲ့ ပကဖသတင်းရင်းမြစ်ရဲ့ ပြောကြား ချက် အရ သိရပါတယ်။ မကွေးတိုင်း၊ ချောက်မြို့နယ်၊ လမ်းပိုင်းတနေရာမှာ ဆက်ကြေးကောက်၊ ပေါ်တာဆွဲဖို့ ထွက်လာတဲ့ ဂွေးပင်စခန်းမှူးပါအဖွဲ့ကို တိုက်ခိုက်ခဲ့တာကြောင့် စခန်းမှူးလှမိုးအောင်သေဆုံးပြီး နယ်ထိန်းတင်လင်း အပြင်းအထန် ဒဏ်ရာရရှိခဲ့တယ်လို့ ချောက်မြို့နယ် ပြည်သူ့ကာကွယ်ရေးအဖွဲ့ - ချောက်ပကဖ တာဝန်ခံ ကိုဘကွန်းက ရန်ကုန်ခေတ်သစ်ကို ပြောပါတယ်။ အမေရိကန်နှင့် အီရန်အကြား ပဋိပက္ခတွေ အဆုံးသတ်ဖို့ အတွက် ဆွေးနွေးမှုတွေ အလားအလာ ကောင်းလာပြီးနောက် အမေရိကန်အစိုးရက အီရန်ရေနံတင်ပို့မှုအပေါ် ချမှတ်ထားသည့် ပိတ်ဆို့အရေး ယူမှုအချို့ကို ယာယီဖြေလျှော့ပေးလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။