Khit Thit Morning News | April 23, 2026

Khit Thit သတင်းဌာန၏ ဧပြီ ၂၃ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၂၃ ရက် မနက်ပိုင်း တင်ဆက်ပေးမယ့် သတင်းတွေကတော့ -အကြမ်းဖက်စစ်တပ်မှာ လေတပ်ကာကွယ်ရေးဦးစီးချုပ်အသစ်အဖြစ် ဗိုလ်ချုပ်ကြီးထွန်းဝင်းကို ခန့်ထားလိုက်တာတွေ စစ်ဆင်ရေးကိစ္စတွေအပါအဝင် စစ်တပ်စီမံခန့်ခွဲရေးကိစ္စတွေကို မင်းအောင်လှိုင် ကပဲ ဆက်လက်ချုပ်ကိုင်ထားဆဲဖြစ်ပြီး ရဲဝင်းဦးကလည်း မင်းအောင်လှိုင်ဆီ တင်ပြပြီး ခွင့်ပြုချက်ယူနေရတယ်လို့ နေပြည်တော်စစ်ဘက်သတင်းရင်းမြစ်က ပြောပါတယ်။ အာဆီယံထိပ်သီးအစည်းအဝေးတွေမှာ ဘေးဖယ်ထားခံထားရတဲ့ မြန်မာနိုင်ငံအနေနဲ့ အာဆီယံ အဖွဲ့ဝင် အဖြစ် ဆက်ဆံရေးတွေပြန်ကောင်းလာစေဖို့ ကြိုးစားနေရာမှာ ထိုင်းနိုင်ငံက ဦးဆောင်ကဏ္ဍက နေ ပါဝင်ကူညီချင်တယ်လို့ ထိုင်းနိုင်ငံခြားရေးဝန်ကြီးဆီဟာဆက်က ပြောပါတယ်။ နိုင်ငံတော်သမ္မတဦးဝင်းမြင့် လွတ်မြောက်လာတာကို ဖက်ဒရယ်ဒီမိုကရေစီ ပြည်ထောင်စု ပေါ်ထွန်းရေး ဦးဆောင်ကော်မတီ (SCEF) က ဝမ်းမြောက်ဝမ်းသာကြိုဆိုလိုက်ပြီး နိုင်ငံတကာသံရုံး တွေကလည်း ကြိုဆိုခဲ့ကြပါတယ်။ အရှေ့အလယ်ပိုင်းမှာ အီရန်တော်လှန်ရေးအစောင့်တပ်ဟာ ဧပြီလ ၂၂ ရက်နေ့ ဟော်မုဇ်ရေ လက်ကြားကို ဖြတ်သန်းနေတဲ့ တတိယမြောက်သင်္ဘောတစ်စင်းကို ထပ်မံတိုက်ခိုက်လိုက်တယ်လို့ အီရန်သတင်းဌာနတွေက ဖော်ပြလာတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။