PD hap fushatën me një miting madhështor në Tiranë - (21 Maj 2005)

Lajme arkiva 2005 Ka qen ky finalizimi i takimit të parë elektoral të opozitës ku u prezantuan edhe 100 kandidatët që do të konkurrojnë në zgjedhjet e 3 korrikut. Mitingu i sotëm është çelur nga deputeti Sokol Olldashi dhe pas tij kanë përshëndetur disa nga kandidatët që do të konkurrojnë për herë të parë nën siglën e demokratëve. Mes entuziazmit dhe fishekzjarrëve kryetari i Partisë Demokratike Sali Berisha, ka falënderuar së pari të gjithë mbështetësit e opozitës duke mos harruar partitë aleate që kanë marrëveshje para elektorale me demokratët. Në tribunën e këtij takimi veç kryetarëve të partive të djathta si dhe të rikthimit të Partisë Demokratike pas shumë vitesh ndodhi edhe Genc Pollo. Ndërsa në fjalën e tij lideri i opozitës ka përsëritur dhe njëherë disa nga premtimet e demokratëve në rast të fitores në zgjedhjet parlamentare Ulja e taksave dhe shpenzimeve qeveritare, rritja e investimeve dhe pensioneve, hapja e dyerve të Universiteteve për të gjithë ishin këto disa nga premtimet e sotme të kreut Berisha. Sali Berisha: “Me 3 korrik shqiptarët do të votojnë për ndryshimin, për integrimin, për pasaportën e tyre europiane, për kursimin për prosperitetin, për Shqipërinë shpresmadhe, zonjë të vërtetë, shtëpinë më të bukur të tyre dhe fëmijëve të tyre me 4 korrik dy kombe festojnë lirin, kombi i madh amerikan, kombi mik shqiptarë, rroftë Shqipëria zoti e bekoftë Shqipërinë.” Takimi i sotëm ka vijuar me një koncert festiv organizuar me këngëtar dhe grupe të njohura nga Shqipëria dhe Kosova. Mitingu i sotëm i Tiranës i paraprinë zhvillimeve që do të zhvillohen në të gjithë Shqipërinë. Pas kryeqytetit Beridha dhe aleatët do të jenë nesër në Shijak në zonën ku përball njëri-tjetrit do të jenë Sokol Olldashi me Partinë Demokratike dhe Agron Duka për Partinë Socialiste./tvklan.al Gazetare: Desada Metaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/