Votëbesohet qeveria Berisha në Parlament me 83 vota pro dhe 54 kundër - (10 Shtator 2005)

Lajmea arkiva 2005 Jozefina Topalli: “84 vota, urime qeverisë së re, urime zotit kryeministër! Punë të mbarë dhe suksese në detyrën tuaj!” Parlamenti votëbesoi në fakt me 83 vota pro dhe 54 kundër kabinetin e ri qeverisës me kryeministër Sali Berishën. 81 votave të koalicionit të djathtë i janë bashkangjitur dhe dy deputetët e Partisë Demokracia Sociale. Ndërkohë me elektronikën e kuvendit figuronte se kishte votuar pro qeverisë dhe aleancisiti Ujka që në fakt nuk ishte fare prezent në sallë. Përpara se të mbërrihej tek votimi opozita u tregua e ashpër ndaj qeverisë veçanërisht kur shprehu qëndrimin e saj përmes zotit Namik Dokle. Ai mbajti fjalën kur kryeministri Berisha mungonte në sallë që prej paradites. Namik Dokle: “Nja dy-tre gjëra që nuk i dinim, i mësuam bashkë me emrat e qeverisjes. E dinim për shembull që Britney Spears kishte sajuar një martesë sa për t’u bërë objekt i shtypit, por tani e mësuam që na paska ngelur edhe me barrë dhe madje me binjak. E dinim normalisht se ç’është e majta dhe ç’është e djathta, por tani mësuam nga shkenca e re agraro politike se e majta qenka herë nga qepa e herë nga hudhra. E dinim se në Shqipëri dhe në çdo qeveri të saj ekzistonte gjithnjë një kalë Troje, por në qeverinë e re kemi rastin e lumtur të shikojmë edhe një gomar Troje, dhe së fundmi e shumë çuditërisht si në çdo qeveri që ka krijuar PD edhe në këtë të fundit ka një sapo të fejuar i uroj jetë të lumtur, veçse nuk e dimë akoma se cili do të dalë zbathur në rrugët e Stambollit për të na treguar unazën e florinjtë në gishtin e vogël të këmbës të djathtë.” I kthyer në sallë pak para votimit, Sali Berisha ka shpjeguar arsyet e mungesës së tij në sallë, si dhe ka garantuar realizimin e programit. Sali Berisha: “Dua të kërkojë me kuptimin tuaj, se por shkak të një viroze nuk kam ndjekur dot nga salla ju, por ju garantojë se kam bërë përpjekjet më të jashtëzakonshme t’iu ndjek gjithsecili prej jush në televizor. Duhet t’iu sigurojë ju këtu dhe qytetarët shqiptar se çdo premtim do të shndërrohet në realitet. Është e gabuar, në qoftë se ju interpretoni në mënyra të ndryshme premtimet e mia.” Ora e fundit e debatit parlamentar u bë interesante pas përplasjes mes ministrit Olldashi dhe kreut socialdemokrat Gjinushi. Sokol Olldashi: “Zoti Gjinushi se më mirë ulët se iu kam dhe përballë, midis ne të dyve ka një diferencë të madhe. Diferenca qëndron gjithmonë që ti je deputeti i Nard Kokës kurse unë jam njeriu që e hoqa grupin e tyre nga ky parlament ku e kiushe futur ti e para, e dyta të sqaroj se për mua kanë votuar 7500 qytetar të Shijakut më shumë se ç’kanë votuar për të gjithë partinë tende në 4 vitet te fundit. Dhe së treti kam dhe diçka tjetër, kur ti u bashkove me Ilir Metën gjysma e Partisë Socialiste të quajti trafikant, kur nënkryetari i partisë tënde u largua të tha skafist, kur nënkryetari i dytë u largua të tha kontrabandist.“ Skënder Gjinushi: “E di shumë mirë se kush janë bandat që janë përdorur në të zonë dhe pastaj nëse ai ka fituar sepse banda e tij qe më e fortë se ajo bandë që përmendi është tjetër gjë është punë e tij prandaj. Ndërsa ato që citove më parë t’i më mirë ti referoheshe shefit tënd i cili s’ka lënë kërkënd pa akuzuar, por është detyruar ti lëpijë të gjitha ato që ka thënë.” Qeveria e votëbesuar nga Kuvendi do të betohet përpara presidentit të republikës të dielën paradite./tvklan.al Gazetare: Arta Tozaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/