KQZ shpall rezultatin perfundimtar të zgjedhjeve të 3 korrikut - (1 Shtator 2005)

Lajme arkiva 2005 Komisioni Qendror i Zgjedhjeve ka certifikuar 140 deputetët e rinj të Kuvendit pasi nuk u paraqit asnjë ankimim për të tri zonat që u rivotuan. 60 ditë pas zgjedhjeve KQZ ka ligjëruar kandidatët fitues. Në zgjedhjet e 3 korrikut dhe të 21 gushtit emra të cilët do të përbëjnë legjislaturën e 17 të kuvendit. Gjatë mbledhjes së paradites anëtarët e komisionit miratuan me asnjë vend kundër vendimin për shpalljen e rezultatit përfundimtar bashkë me emrat e 100 deputetëve të zgjedhur në mazhoritar. Kreu i KQZ Celibashi i ka shpallur edhe listën prej 40 fituesish të proporcionalit. Ilirjan Celibashi: “Partia Aleanca Demokratike fitues shpallet Neritan Ceka, Pashk Ujka dhe Piro Lutaj, për Partinë Liberal Demokrat Arian Starova. Për Partinë Demokrate të Re Genc Pollo dhe Tritan Shehu, Frrok Gjini dhe Jak Ndokaj. Për Partinë Demokristiane Nikoll Lesi, Ndue Gegë Shpani. Për Partinë Republikane Fatmir Mediu, Albert Faruku, Harjulla Paruri, Artur Hasanbelliu, Lajla Përnaska, Arjan Madhi, Besnik Bisha, Genc Sharku, Parid Teferici, Galip Ramadhi. Për Lëvizjen Socialiste për Integrim Pëllumb Xhufi Sabit Brokaj, Ndre Legisi, Dritan Prifti. Për Partinë për të Drejtat e Njeriut, Vangjel Dule dhe Leonard Solis. Për Partinë Demokracia Sociale Paskal Milo dhe Hamit Kosta. Për Partinë Social Demokrate Skënder Gjinushi, Engjëll Bejtja, Albert Divjaka, Gëzim Musabelliu, Diana Çuli, Angjelina Kola, Pilo Keri. Për Partinë Agrare Ambientaliste kandidatët fitues nga lista shumë numërore shpallen Luftër Xhuveli, Petrit Gjoni, Nikollaq Neranxi dhe Ymer Tola.” Partia Demokratike ka siguruar 51 Deputetë të drjet për drejtë, ndërsa socialistët 42. Ndërkohë q ënjë deputet është votuar nga LSI dhe një është i pavarur. Ndërsa nga lista shumë emërore republikanët marrin 11 deputetë. PBDNJ 2, LSI 4, Social Demokratët 7, aleancistët 3, PDS 2, Agrarët 4, Demokristianët 2 deputet, PDR 4 dhe PBLD 1. 81 deputet pritet të shkelin për herë të parë në kuvendin e ardhshëm , 39 prej të cilëve nga partia demokratike. Në fund të konferencës për shtyp kreu i KQZ-ës Ilirjan Celibashi i akuzuar shpesh herë për qëndrime të një anshme në vendimmarrje dhe në zvarritje të shpalljes së rezultateve gjeti rastin për të falënderuar partitë dhe qeverinë Nano për ndihmën e dhënë në procesin elektoral si dhe institucionet vendase dhe ndërkombëtare për mbështetjen dhe vëzhgimin e procesit zgjedhor. Ilirjan Celibashi: “Në radhë të parë të fituarit jemi ne. Këtë e them me siguri si institucion pasi kemi pasur mundësi që opinioni publik dhe i gjithë të interesuarit të tregojnë vërtet se çfarë është duke bërë ky institucion. Është duke zbatuar ligjin, kushtetutën apo është nj institucion që kontrollohet nga politika dhe është shërbëtore e saj. Zgjedhjet patjetër që kanë qenë të lira dhe mendoj që përgjithësisht kanë qenë të drejta. Kurse të ndershme , nuk besoj që zgjedhje të ndershme mund të bëhen edh enë vende demokratike.”/tvklan.al Gazetare: Beti Njuma SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/