სომხური ქადის რეცეპტი

ტრადიციული სომხური ქადა 🇦🇲 ამ რეცეპტით მომზადებული ქადა გამოდის უზომოდ ფხვიერი, ნაზი და არომატული. ეს არის დესერტი, რომელიც ყველას უყვარს! ინგრედიენტები: ცომისთვის: ფქვილი — 400 გრ. მარგარინი — 250 გრ. არაჟანი — 200 გრ. კვერცხის გული — 1 ც. გამაფხვიერებელი — 10 გრ. კონიაკი — 10 მლ. მარილი — მწიკვი გულსართისთვის (ხო რიზი): ფქვილი — 225 გრ. შაქარი — 225 გრ. ნაღების კარაქი — 150 გრ. გამაფხვიერებელი — 1 გრ. ვანილი — გემოვნებით მარილი — მწიკვი მომზადების წესი: ცომი: ფქვილი და გამაფხვიერებელი ერთად გაცერით, დაუმატეთ ცივი, დაჭრილი მარგარინი და ხელით გადააქციეთ ფხვიერ მასად. შეურიეთ არაჟანი, კვერცხის გული, კონიაკი და მარილი. მოზილეთ რბილი ცომი, გაყავით ნაწილებად და შედგით მაცივარში. გულსართი: ფქვილი, შაქარი, ვანილი, მარილი და გამაფხვიერებელი კარგად აურიეთ, დაუმატეთ დარბილებული კარაქი და ხელით დაამუშავეთ, სანამ არ მიიღებთ ფხვიერ, კოშტა მასას. აწყობა: გააბრტყელეთ ცომი, თანაბრად გადაანაწილეთ გულსართი, დაახვიეთ რულეტად და დაჭერით სასურველი ზომის ნაჭრებად. გამოცხობა: აცხვეთ 180°C ტემპერატურაზე, სანამ ოქროსფერი არ გახდება. გემრიელად მიირთვით! #ქადა #სომხურიქადა #რეცეპტი #ტკბილეული #საცხობი #კულინარია #გემრიელი