Fumenu Kudami- MATEWU 7

Matewu 7:21-29 MWW04 [21] Antu ejima ákuntenatena nawu, Mwanta, Mwanta; hiyakawanina kwiŋila muwanta wamwiwuluku, chiŋa muntu welaŋa muchima waTata yami wudi mwiwulu. [22] Amavulu amba kaŋila hefuku odu nawu, Mwanta, Mwanta, hitwaprofweteli mwijina deyuku? Hitwafumishili andemoni mwijina deyuku? Hitwakoŋeli nyidimu yaŋovu yayivulu mwijina deyuku? [23] Henohu nakayakula nami, Hinayilukili hela ifuku nidimuku; fumenu kudami enu mwakoŋaŋa yakuluwa. [24] Dichi antu ejima akutiya awa mazu amami hiyakuyila, akayifwikija neyi mukwamaana watuŋilili itala dindi helola. [25] Ninvula yachabumukili, nidibaji denjili, nimpepela jakunkili, jeteli hetalodu; hidahumukiluku, muloŋa adituŋilili helola. [26] Niantu ejima akutiya awa mazu amami nakubula kuyila, akayifwikija neyi muntu wabula maana, watuŋilili itala dindi hawusekulula. [27] Ninvula yachabumukili, nidibaji denjili, nimpepela jakunkili, jeteli hetalodu; dahumukili, nikuhumuka kwadu kwaswejeli. [28] Chelili Yesu nakumishi dehi mazu awa, mazaza awantu hiyakuhayama kutaŋisha kwindi. [29] Muloŋa wadiŋi nakuyitaŋisha neyi wukweti wanta, bayi neyi ansonekuku.