Mawulu niiseki dadiha- CHIMWEKESHU 21

Chimwekeshu 21:1-7 MWW04 [1] Hinukumona iwulu dadiha niiseki dadiha; muloŋa iwulu dakusambila niiseki dakusambila ahita dehi, nikaluŋalwiji nawa kwosi. [2] Hinukumona Ŋanda Yajila, yowu Yerusalema yayiha, yidi nakusuluka kudi Nzambi kwiwulu, ayiloŋesha dehi neyi kankaŋa anawahishuwu kulonda asumbuki namfumwindi. [3] Hinukutiya izu datiyakana dikufuma mwitanda dawanta nindi, Tiya, tabanaka yaNzambi hiyidi nawantu; yena wakashakama nawu, niwena akekala antu indi; Nzambi yomweni wakekala nawu, wakekala Nzambi yawu. [4] Wakayikombola madilu ejima kumesu awu; hikwakekala nawa cheŋi kufwaku; hikwakekala nawa cheŋi hela kukata hela kudila hela kuneŋaku. Yuma yakusambila yinahiti dehi. [5] Owu washakama hetanda dawanta hakwila nindi, Tiya, hinukubalumuna yuma yejima yiikali yayiha. Hakuŋila nindi, Sonekaku, muloŋa mazu awa atela kukuhwelela, alala. [6] Hakuŋila nindi, Chinamani dehi. Ami yami Alefwa, yami Omega; yami Wakusambila, yami Wakukuminina. Muntu wukutiya mpwila nakamwinkahu menji akukaseloki kamenji awumi chakadi kulanda. [7] Muntu wukwimika mushindu wakaswana yumiyi; nakekala Nzambi yindi, niyena wakekala mwanami. https://bible.com/bible/3305/rev.21.1...