Melekizedeki- AHEBERU 7

1Muloŋa yeniwu Melekizedeki, mwanta waSalema, kapristu kaNzambi Wabadika Kwiwulu, wakinkililili Abarahama hafuntiliyi kwayiliyi nakutapa anyanta, wamukiswilili nkisu. 2Abarahama hakumwambwila yena iseka damwikumi dayuma yejima. Kulumbulula ijina daMelekizedeki, chakusambila nawu, Mwanta wakuloŋa; cheŋi nawu, Mwanta waSalema, diyi Mwanta wakuwunda. 3Wakadi tata yindi hela mama yindi hela ikiŋu; wakadi hatachikililiyi mafuku indi, hela hakumishililiyi kuhanda; ilaŋa amufwikijili neyi Mwana kaNzambi, wekala kapristu hayanyaka. 4Toŋojokenu chatoheliyi muntu iwu, enkeluwu kudi nkakulula Abarahama iseka damwikumi dayuma yabadika kuwaha yapuupiliyi kunjita. 5Chalala anyana kaLevi, átambulaŋa mudimu wawupristu, ayilejaŋa kutambula kudi antu iseka damwikumi mwaya nshimbi; hiyakutambula kudi anakwawu, kutoŋa anayivwali kudi Abarahama. 6Hakwila Melekizedeki, wabulili kufuma kumuchidi wawaLevi, watambwili kudi Abarahama iseka damwikumi, hakumukiswila nkisu yena wekala nayikaninu. 7Kwosi wukutadika mwoku, wanyanya amukiswilaŋa nkisu kudi wamubadika. 8Mwenimu antu amba kafwa atambulaŋa iseka damwikumi, ilaŋa mwenomu owu watambulaŋa diyi anashimunuwu nawu wahandaŋa. 9Chaya mukwila nawu Levi, wátambulaŋa yamwikumi, wamwinkeli Melekizedeki yamwikumi mudi Abarahama, 10muloŋa Levi wadiŋi wuchidi mudi Tata yindi Abarahama, hamukinkilililuwu kudi Melekizedeki.