Khit Thit Morning News | July 2026

Khit Thit သတင်းဌာန၏ ဇူလိုင် ၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁ ရက် မနက်ပိုင်း တင်ဆက်ပေးမယ့် သတင်းတွေကတော့ -ဒေါ်အောင်ဆန်းစုကြည်ရဲ့ ကျန်းမာရေးဆိုးရွားလာနေတယ်ဆိုတဲ့ သားဖြစ်သူ ကင်မ်အဲရစ်ရဲ့ ပြောဆိုချက်ကို စစ်ကောင်စီက ငြင်းဆိုလိုက်ပြီး ဒေါ်အောင်ဆန်းစုကြည်ရဲ့ ကျန်းမာရေးအခြေအနေ ကောင်းမွန်တယ်လို့ စစ်ကောင်စီပြောရေးဆိုခွင့်ရှိသူ ဒေါက်တာ ခိုင်ခိုင်စိုးက ပြောပါတယ်။ -ဗြိတိန်အစိုးရအနေနဲ့ မြန်မာနိုင်ငံရဲ့ အခြေအနေတစ်ရပ်လုံးကို ရောမစာချုပ် အပိုဒ် ၁၄ အရ နိုင်ငံတကာရာဇဝတ်တရားရုံး (ICC) လွှဲပြောင်းနိုင်ရေးအတွက် ICC အဖွဲ့ဝင်နိုင်ငံတွေနဲ့ မဟာမိတ် ဖွဲ့ပြီး ဦးဆောင်ဆောင်ရွက်သင့်သလို မြန်မာစစ်တပ်အပေါ် ပစ်မှတ်ထားတဲ့ ပိတ်ဆို့အရေးယူမှု အသစ်တွေကိုလည်း ချမှတ်သင့်တယ်လို့ Fortify Rights က ဇွန်လ ၂၉ ရက်မှာ တိုက်တွန်း လိုက်ပါတယ်။ ကချင်ပြည်နယ်၊ ရွှေကူမြို့နယ်က ရွှေကူ-ငါးအိုးလမ်းပိုင်းကို ဒီနေ့ ဇွန်လ ၃၀ ရက်ကစပြီး တော်လှန်ရေး တပ်တွေက လမ်းကြောင်း ၃ ခုခွဲပြီး ပိတ်ဆို့ထားတယ်လို့ ဒေသသတင်းရင်းမြစ်တွေက ပြောပါတယ်။ အမေရိကန်နဲ့ အီရန်တို့ စစ်ပွဲကို အပြီးတိုင်ရပ်တန့်နိုင်မယ့် သဘောတူညီချက်ရရှိရေးအတွက် ကာတာနိုင်ငံမှာ သံတမန်ရေးဆွေးနွေးမှုတွေ ပြုလုပ်ဖို့ စီစဉ်ထားပေမယ့် ဘယ်အချိန်မှာ ဘာအကြောင်း အရာတွေ ဆွေးနွေးမလဲဆိုတာ မသေချာသေးတာကြောင့် ဆွေးနွေးပွဲရလဒ်အပေါ် မေးခွန်းထုတ်မှုတွေ ထွက်ပေါ်နေတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။