Khit Thit Evening News | June 30 2026

Khit Thit သတင်းဌာန၏ ဇွန် ၃၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၃၀ ရက် ညနေပိုင်း တင်ဆက်ပေးမယ့် သတင်းတွေကတော့ တော်လှန်ရေးတပ်တွေရဲ့ FPV ဒရုန်းတွေကို ကာကွယ်ဖို့ဆိုပြီး အကြမ်းဖက် စစ်တပ်ရဲ့ တပ်ရင်း တပ်ဖွဲ့တွေမှာ ပိုက်ကွန်တွေကို တပ်ဆင်အသုံးပြုဖို့ နေပြည်တော်စစ်ရုံးကနေ အမှန်တကယ် ညွှန်ကြားထားတယ်လို့ နေပြည်တော်စစ်ဘက်သတင်းရင်းမြစ်နဲ့ CDM ဗိုလ်ကြီး ဇင်ယော်က ရန်ကုန်ခေတ်သစ်ကို ပြောထားကြပါတယ်။ အောင်လံမြို့နယ်နဲ့ ပေါက်ခေါင်းမြို့နယ်တွေမှာ အကြမ်းဖက် စစ်တပ်နဲ့ တော်လှန်ရေးတပ်တွေအကြား တိုက်ပွဲတွေဖြစ်ပွားပြီး စစ်တပ်ဘက်က သေတဲ့သူတွေ တော်တော်များထားတဲ့အပြင် စစ်သားတွေရဲ့ အလောင်းတချို့ကိုပါ သိမ်းဆည်းရရှိထားတယ်လို့ တော်လှန်ရေးသတင်းရင်းမြစ်က ရန်ကုန် ခေတ်သစ်ကို ပြောပါတယ်။ -မလေးရှားနိုင်ငံမှာ ကျင်းပနေတဲ့ အာရှ-ပစိဖိတ် ဆွေးနွေးပွဲမှာ မြန်မာ့အရေးကို သီးသန့် အစည်းအဝေး တစ်ရပ်အနေနဲ့ ကျင်းပသွားမယ်လို့ မလေးရှား မဟာဗျူဟာနှင့် နိုင်ငံတကာလေ့လာရေး အင်စတီကျုရဲ့ အမှုဆောင်ဥက္ကဋ္ဌ က ပြောကြားလာပြန်ပါတယ်။ အမေရိကန်နဲ့ အီရန်ကြား ယာယီငြိမ်းချမ်းရေး သဘောတူညီချက် အကောင်အထည်ဖော်နေတဲ့ အခြေအနေကို ရင်းနှီးမြှုပ်နှံသူတွေက စောင့်ကြည့်နေတဲ့ အချိန် ကမ္ဘာ့စတော့ရှယ်ယာ ဈေးကွက်တွေ မြင့်တက်လာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်