khit Thit Morning News | June 29 2026

Khit Thit သတင်းဌာန၏ ဇွန် ၂၉ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၉ ရက် မနက်ပိုင်း တင်ဆက်ပေးမယ့် သတင်းတွေကတော့ -အာရက္ခတပ်တော် (AA) က စစ်တွေနဲ့ ကျောက်ဖြူမြို့တွေကို ထိုးစစ်ဆင်တိုက်ခိုက်နေသလို မကွေး၊ ဧရာဝတီ၊ ပဲခူးနဲ့ ချင်းပြည်နယ်ဘက်တွေမှာလည်း စစ်ကောင်စီတပ်ကို တိုက်ခိုက်နေတယ်လို့ တရားဝင် ထုတ်ပြန်ထားပါတယ်။ -ကရင်ပြည်နယ်၊ ဖာပွန်မြို့နယ်က ရှေ့တန်းစစ်မြေပြင်တစ်နေရာမှာ အခြေစိုက်လှုပ်ရှားနေတဲ့ စစ်ကောင်စီ ရဲ့ ခလရ (၁၉) တပ်ရင်းက တပ်ရင်းမှူး ဗိုလ်မှူး ကျော်မင်းသန်းကို လုပ်ကြံ သတ်ဖြတ် ခဲ့ပြီးနောက် စစ်မှုထမ်းတပ်သားတစ်ဦးက လက်နက်နဲ့အတူ KNU တပ်မဟာ (၅)ဆီကို အလင်းဝင်သွား ခဲ့တယ်လို့ Force for Federal Democracy (FFD) တပ်ဖွဲ့ ဒုတာဝန်ခံ ကိုအောင်အောင်က ပြောပါတယ်။ မြန်မာနိုင်ငံရဲ့ စီးပွားရေးကို ပြည်ပက သွင်းကုန်တွေအပေါ် မှီခိုမှုလျှော့ချပြီး ပြည်တွင်းမှာ အစားထိုး ထုတ်လုပ်တာနဲ့ ပို့ကုန်ကို အဓိကထားတဲ့ ကုန်ထုတ်လုပ်မှုတွေကို ဦးစားပေးဆောင်ရွက်သွားမယ်လို့ စစ်ကောင်စီခေါင်းဆောင် မင်းအောင်လှိုင်က ပြောလိုက်ပါတယ်။ ပြင်သစ်နိုင်ငံမှာ အပူလှိုင်းပြင်းထန်စွာ ဆက်လက်ဖြစ်ပွားနေပြီး အပူဒဏ်နဲ့ ဆက်နွှယ်တဲ့ ပုံမှန် ထက်ပိုမိုသေဆုံးသူ ၁ထောင် ခန့်ရှိလာတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။