Yesu nabadiki Mosi-AHEBERU 3

Yesu nabadiki Mosi AHEBERU 3 1Dichi enu anakwetu ajila, enu akwakutambwila kutambika kwamwiwulu hamu, shinshikenu Kapostolu, Kapristu Muneni wakwiteja kwetu, yowu Yesu. 2Yena wadiŋi washinshika kumesu aniwu wamukunjikili kumudimu, neyi cheliliyi Mosi mwitala daNzambi dejima. 3Anamufuukuli nawu yena watela kumulemesha chakubadika Mosi, chochahamekaŋawu ntuŋi yetala chakubadika itala dadeni. 4Muloŋa matala ejima akweti ayituŋili, hakwinza watuŋili yuma yejima diyi Nzambi. 5Chalala Mosi washinshikili mwitala daNzambi dejima neyi ŋamba, nakushimuna nachu yuma yamba katenawu kukukuminina. 6Hakwila Kristu washinshika mwitala daNzambi nanochu chaneliyi yena hiMwana. Etu yetu itala dindi, neyi tukukakela mukuumika kwetu, nikudisama kwakuchiŋeja kwetu ndo-o nikunsa.