Khit Thit Afternoon News | May 13 , 2026

Khit Thit သတင်းဌာန၏ မေ ၁၃ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၃ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ ရန်ကုန်တိုင်းအတွင်း ကျားဖြန့် တရုတ်လက်ခံခဲ့မှုအတွက် တိုင်းမှူးဖြစ်ခဲ့တဲ့ စစ်တပ်လေ့ကျင့်ရေး အရာရှိချုပ် ဗိုလ်ချုပ် ပြည့်စုံလင်းကို လနဲ့ချီ စစ်ဆေးမေးမြန်းနေပြီး အပြစ်ရှိရင် ရာထူးကနေ ရပ်နားခံရနိုင်တယ်လို့ စစ်တပ်သတင်းရင်းမြစ်တချို့က ပြောပါတယ်။ ရန်ကုန်တိုင်းအတွင်း စည်ပင်ရေပေးဝေရေးစနစ် အသုံးပြုနေတဲ့မြို့နယ်အများအပြားမှာ ရက်ရှည် ရေပြတ်တောက်မှု တွေဖြစ်ပေါ်နေပြီး ဒေသခံတွေ အခက်အခဲကြုံတွေ့နေရတယ်လို့ သိရှိရပါတယ်။ -ကရင်နီပြည်၊ ဖရူဆိုမြို့နယ်မှာ အကြမ်းဖက် စစ်တပ်က စစ်ဘေးရှောင်စခန်းတွေကို ဒရုန်းနဲ့ ဗုံးကျဲပြီး မီးရှို့နေတာကြောင့် ပြည်သူ ၁၅၀၀ ခန့် အရေးပေါ် တိမ်းရှောင်နေရပြီး စားနပ်ရိက္ခာတွေ အရေးပေါ်လို အပ်နေ တယ်လို့ ကရင်နီပြည်ကြား ကာလအုပ်ချုပ်ရေး ကောင်စီ အထွေထွေအတွင်းရေးမှူး -၂ ဗညားခွန်အောင်က ရန်ကုန်ခေတ်သစ်ကို ပြောပါတယ်။ အမေရိကန်သမ္မတ ဒေါ်နယ်ထရန့်က အီရန်နဲ့ဖြစ်ပွားနေတဲ့ စစ်ပွဲကို အဆုံးသတ်ဖို့အတွက် တရုတ်နိုင်ငံရဲ့ အကူအညီ လိုအပ်လိမ့်မယ်လို့ မထင်ဘူးဆိုတာကို မေလ ၁၂ ရက်နေ့မှာ ပြောကြားလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်