khit Thit Afternoon News | June 20, 2026

Khit Thit သတင်းဌာန၏ ဇွန် ၂၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၀ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ အာဏာရှင်ဟောင်း နေဝင်းရဲ့ မြေးတွေ ပိုင်တဲ့ Omni Focus YBS ကုမ္ပဏီက ဘတ်စ်ကား ၅၀၀ အတွက် ချေးထားတဲ့ ငွေ ၇၆ ဘီလီယံကျော်ကို ပြန်မဆပ်ဘဲ နိုင်ငံတော်ကိုလည်း အခွန်မဆောင်၊ ကညနမှာ လည်း စစ်ဆေးမှုမခံတော့ဘဲ လိုင်စင်မဲ့ကားတွေ ဆက်ပြေးဆွဲနေတယ်လို့ ရန်ကုန်တိုင်းအစိုးရ သတင်းရင်းမြစ်တစ်ခုက ပြောပါတယ်။ ဇွန်လ ၁၉ ရက်နေ့မှာ ကျရောက်ခဲ့တဲ့ ဒေါ်အောင်ဆန်းစုကြည်ရဲ့ ၈၁ နှစ်ပြည့် မွေးနေ့အထိမ်းအမှတ်အဖြစ် သားဖြစ်သူ ကင်မ်အဲရစ်က လန်ဒန်မြို့ကနေ မွေးနေ့ဆုတောင်းပြီး အမြန်ဆုံးလွှတ်‌‌‌ပေးဖို့ တောင်းဆိုလိုက်ပါတယ်။ ထိုင်းနိုင်ငံဘက်က နှင်းဆီလှုပ်ရှားမှုနဲ့ ပတ်သတ်တဲ့ သတင်းကိုတင်ဆက်ပေးပါမယ်။ ထိုင်းနိုင်ငံ၊ ဘန်ကောက်မြို့မှာရှိတဲ့ မြန်မာစစ်ကောင်စီလက်အောက်ခံ သံရုံးရှေ့မှာ နှင်းဆီလှုပ်ရှားမှု ပြုလုပ်ခဲ့တာ ကြောင့် ထိုင်းရဲတပ်ဖွဲ့က ခေါ်ယူစစ်ဆေးခဲ့ပေမယ့်အားလုံးပြန်လည်လွတ်မြောက်လာခဲ့တယ်လို့ စမ်းချောင်းပင်မသပိတ်စစ်ကြောင်းရဲ့ ကိုပီတာက ရန်ကုန်ခေတ်သစ်ကို ပြောပါတယ်။ အမေရိကန်သမ္မတ ဒေါ်နယ်ထရမ့်နဲ့ အီတလီဝန်ကြီးချုပ် ဂျော်ဂျီယာ မီလိုနီတို့ကြားမှာ ဒီရက်ပိုင်း အတွင်း ပြင်းထန်တဲ့ သံတမန်ရေးရာ အငြင်းပွားမှုတွေ ဖြစ်ပွား နေပြီး၊ အီတလီနိုင်ငံခြားရေးဝန်ကြီး ကလည်း သူသွားရမယ့် အမေရိကန်ခရီးစဉ်ကို ဖျက်သိမ်းလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။