khit Thit Afternoo News | June 19, 2026

Khit Thit သတင်းဌာန၏ ဇွန် ၁၉ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၉ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဒီကနေ့ ဇွန်လ ၁၉ ရက်နေ့မှာ ကျရောက်တဲ့ အသက် ၈၁ နှစ်ပြည့်မွေးနေ့ အဖြစ် လန်ဒန်မြို့မှာရှိတဲ့ မြန်မာစစ်တပ် သံရုံးရှေ့မှာ မြန်မာနိုင်ငံသား တွေက အစာငတ်ခံ ဆန္ဒပြနေပြီး၊တစ်ဖက်မှာလည်း မြန်မာနိုင်ငံအပါအဝင် ပြည်တွင်းပြည်ပ နှင်းဆီလှုပ်ရှားမှုတွေ လုပ်ဆောင်နေကြတယ်လို့ သိရပါတယ်။ စစ်ကိုင်းတိုင်း ၊ မုံရွာမြို့ပေါ်မှာ ဒေါ်အောင်ဆန်းစုကြည်မွေးနေ့အထိမ်းအမှတ်အဖြစ် နှင်းဆီလှုပ်ရှားမှု ပြုလုပ်ပြီးတဲ့နောက် အကြမ်းဖက် စစ်တပ်က မြို့ကို ပိတ်ဆို့ပြီး ရှာဖွေ စစ်ဆေးမှုတွေလုပ်ဆောင်နေ တယ်လို့ ဒေဿခံပြည်သူတွေက ရန်ကုန်ခေတ်သစ်ကို ပြောပါတယ်။ -စစ်ကိုင်းတိုင်း ဝက်လက်မြို့နယ်မှာ လူထုခေါင်းဆောင် ဒေါ်အောင်ဆန်းစုကြည်ရဲ့ ၈၁ နှစ်ပြည့် မွေးနေ့ အထိမ်းအမှတ်အဖြစ် ၈ မိုင် ၁ ဖာလုံ မာရသွန် အပြေးပြိုင်ပွဲပြုလုပ်ခဲ့ပြီး လူကြီးလူငယ် ပြည်သူတွေ ပျော်ပျော်ရွှင်ရွှင်နဲ့ ပါဝင်ခဲ့ကြတယ်လို့ ၀က်လက်မြို့နယ် သပိတ်ကော်မတီရဲ့ တာဝန်ရှိသူက ရန်ကုန်ခေတ်သစ်ကို ပြောထားပါတယ်။ ဟောင်ကောင်နဲ့ တရုတ်နိုင်ငံ အတွက် သူလျှိုလုပ်ပေးနေတဲ့ အမျိုးသားနှစ်ဦးကို ဗြိတိန်နိုင်ငံ ယူကေတရားရုံးကနေ ထောင်ဒဏ်တွေ ချမှတ်လိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။