khit Thit Evening News | June 19, 2026

Khit Thit သတင်းဌာန၏ ဇွန် ၁၉ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၉ ရက် ညနေပိုင်း တင်ဆက်ပေးမယ့် သတင်းတွေကတော့ တရုတ်နိုင်ငံ ခရီးစဉ်မှာ အကြမ်းဖက် မင်းအောင်လှိုင်က သူ့ရဲ့ သားနဲ့ သမီး လက်အောက်က စီးပွားရေး လူယုံတွေကိုပါ ခေါ်သွားတဲ့အပြင် ခရိုနီ လုပ်ငန်းရှင်တွေလည်း လူလုံးထွက်ပြလာပါတယ်။ ရန်ကုန်မြို့မှာ ဒီကနေ့ ကျရောက်တဲ့ လူထုခေါင်းဆောင် ဒေါ်အောင်ဆန်းစုကြည်ရဲ့ မွေးနေ့အထိမ်း အမှတ်အဖြစ် နှင်းဆီလှုပ်ရှားမှု ဗီနိုင်းချိတ်ဆွဲ ဆန္ဒဖော်ထုတ်ခဲ့ကြသလို မန္ဆေလးမြို့မှာတော့ နှင်းဆီ လှုပ်ရှားမှု မလုပ်နိုင်အောင် အကြမ်းဖက် စစ်တပ်နဲ့ပျူစောထီးတွေက ပန်းသည်တွေကို ဖမ်းဆီးတာတွေ နှင်းဆီပန်းတွေကို လိုက်လံ ဖျက်ဆီးတာတွေ လုပ်ခဲ့ကြတယ်လို့ သပိတ် လှုပ်ရှားသူတွေနဲ့ ဒေသခံ တွေရဲ့ပြောဆိုချက်အရ သိရပါတယ်။ တနင်္သာရီတိုင်း၊ လောင်းလုံးမြို့နယ်၊ စစ်ပြဲကျေးရွာမှာ တပ်စွဲထားတဲ့ အကြမ်းဖက် စစ်တပ်ကို တော်လှန်ရေးတပ်တွေဥ ဝင်ရောက် တိုက်ခိုက်မှုအတွင်း စစ်တပ်ဘက်က ၁၀ ဦးထက် မနည်းကတော့ အသီးသီးသေကုန်ကြတဲ့အပြင် အရာရှိ ၂ ဦးအပါအဝင် ဒဏ်ရာရတဲ့သူတွေပါရှိသွားပြီး တိုက်ပွဲတွေကနေ စစ်သားအလောင်းတွေနဲ့ လက်နက်ခဲယမ်းတွေလည်း သိမ်းဆည်းရရှိထားတယ်လို့ ဒေသတွင်း စစ်ရေးသတင်းရင်းမြစ်က ရန်ကုန်ခေတ်သစ်ကို ပြောပါတယ်။ အမေရိကန်နဲ့ အီရန်တို့ကြား စစ်ပွဲအဆုံးသတ်ဖို့ လက်မှတ်ရေးထိုးလိုက်တဲ့ နားလည်မှုစာချွန်လွှာ ထဲက "အီရန်ပြန်လည်ထူထောင်ရေးအတွက် ဒေါ်လာ ဘီလီယံ ၃၀၀ သုံးစွဲမည့် အစီအစဉ်" ဟာ ဝါရှင်တန်နိုင်ငံရေးလောကမှာ အကြီးအကျယ် အငြင်းပွားစရာ တစ်ခု ဖြစ်လာတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။