အနာဂတ်မျိုးဆက်သစ်တို့အတွက် MSME | World MSME Day အခမ်းအနားတွင် နိုင်ငံတော်သမ္မတ အမှာစကားပြောကြား

အသေးစား၊ အငယ်စား နှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက် ရေးလုပ်ငန်းကော်မတီ၊ ကမ္ဘာ့အသေးစား၊ အငယ်စားနှင့်အလတ်စား စီးပွားရေးလုပ်ငန်း များနေ့ (World MSME Day)အထိမ်းအမှတ်အခမ်းအနားကို ယနေ့နံနက်ပိုင်းတွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၁ (MICC-1)၌ကျင်းပ ပြုလုပ်ရာ ပြည်ထောင်စုသမ္မတ မြန်မာနိုင်ငံတော်သမ္မတ ဦးမင်းအောင်လှိုင် တက်ရောက်အမှာစကားပြောကြားသည်။ -ယနေ့ကာလတွင် နည်းပညာများ အရှိန်အဟုန်ပြင်းပြင်းဖြင့် ပြောင်းလဲ တိုးတက်လျက်ရှိကြောင်း၊ အထူးသဖြင့် ဉာဏ်ရည်တုနည်းပညာသည် ကမ္ဘာ့စီးပွားရေး လုပ်ငန်းများနှင့် ဘဏ္ဍာရေးဈေးကွက်များကို အချိန်နှင့်အမျှ ပုံဖော်ပြောင်းလဲလျက် ရှိနေကြောင်း၊ ထို့ကြောင့် (၁၀) ကြိမ်မြောက် World MSME Day အတွက် ဆောင်ပုဒ် ကို "The Future Generation of MSMEs" အဖြစ် ကုလသမဂ္ဂက သတ်မှတ်ခဲ့ပြီး အနာဂတ် မျိုးဆက်သစ် အသေးစား၊ အငယ်စားနှင့် အလတ်စား စီးပွားရေးလုပ်ငန်း များကို ဖော်ညွှန်းခြင်းဖြစ်ကြောင်း၊ MSME များကို အားပေးမြှင့်တင်ရာတွင် ခေတ်နှင့်အညီ ဖွံ့ဖြိုးလာစေရေးအတွက် ဒစ်ဂျစ်တယ်နည်းပညာနှင့် ဉာဏ်ရည်တု နည်းပညာ (AI)များ အသုံးပြုနိုင်အောင် ပံ့ပိုးပေးကြရမည်လည်းဖြစ်ကြောင်း၊ ခေတ်မီ တိုးတက် သည့် မျိုးဆက်သစ် MSME စီးပွားရေးလုပ်ငန်းရှင်များအဖြစ် ရေရှည်ရှင်သန် ရပ် တည်နိုင်ပြီး ယှဉ်ပြိုင်နိုင်စွမ်းမြင့်မားလာအောင် အဓိကဦးတည်ချက်ထားပြီး လုပ်ဆောင်သွားကြရန်လိုအပ်ကြောင်း၊ စီးပွားရေးလုပ်ငန်းများ၏ ၉၀ ရာခိုင် နှုန်းခန့်သည် MSME များဖြစ်ပြီး အလုပ်အကိုင် ဖန်တီးပေးမှုအပိုင်း၌ ၆၀ ရာခိုင်နှုန်းမှ ၇၀ ရာခိုင်နှုန်းနှင့် GDP ၏ ၅၀ ရာခိုင်နှုန်းခန့် ရှိနေကြောင်း ကမ္ဘာ့ဘဏ်နှင့် ကုလသမဂ္ဂ၏ အချက် အလက်များအရ လေ့လာသိရှိရကြောင်း၊ မိမိတို့နိုင်ငံတွင်လည်း စီးပွားရေး လုပ်ငန်း များ၏ ၉၀ ရာခိုင်နှုန်းခန့်သည် MSME လုပ်ငန်းများဖြစ်နေပြီး အလုပ်အကိုင် ဖန်တီးပေး နိုင်မှုအနေဖြင့် ၇၀ ရာခိုင်နှုန်းခန့်ရှိနေသည်ကိုတွေ့ရှိရကြောင်း၊ ထို့ကြောင့် MSME ကဏ္ဍဖွံ့ဖြိုးရေးသည် နိုင်ငံ့စီးပွားမြှင့်တင်ရေးအတွက် မဖြစ်မနေလုပ်ဆောင်ရမည့် အမျိုးသားရေးတာဝန်တစ်ရပ်အဖြစ်ရှုမြင်ပြီး အားလုံးက ဝိုင်းဝန်းပါဝင်ဆောင်ရွက်ပေး ကြရန် တိုက်တွန်းလိုကြောင်း၊ MSME ကဏ္ဍ ရေရှည်ဖွံ့ဖြိုးတိုးတက်စေရေးအတွက် ကုန်ကြမ်း၊ သွင်းအားစု၊ အရင်းအနှီးနှင့် လူသားအရင်းအမြစ်တို့ တိုးတက်မြင့်မားရေးကို အလေးထားဆောင်ရွက်ရန် လိုအပ်ကြောင်း၊ #WorldMSMEDay #MSME #FutureGenerationofMSMEs #MyanmarEconomy #DigitalTransformation #AI #NayPyiTaw #MICC1 #နိုင်ငံတော်သမ္မတဦးမင်းအောင်လှိုင် #Myanmar