ရပ်ကျေးအုပ်ချုပ်ရေးမှူးတွေနဲ့ အဂတိဈေးကွက် (ရုပ်/သံ)

စစ်အာဏာသိမ်းစ ၂၀၂၁ ခုနှစ် အစောပိုင်းကာလတွေတုန်းကတော့ ရပ်ကွက်၊ ကျေးရွာ အုပ်ချုပ်ရေးမှူးအများစုဟာ အာဏာရှင်စနစ်ကို လက်မခံတာကြောင့်ရော၊ လုံခြုံရေးစိုးရိမ်မှုတွေကြောင့်ပါ အလိုအလျောက် နှုတ်ထွက်ခဲ့ကြသလို ဆက်လက်လုပ်ကိုင်သူတွေကလည်း ပုန်းလျှိုးကွယ်လျှိုးနဲ့သာ လုပ်ကိုင်ခဲ့ကြတာပါ။ အာဏာသိမ်းပြီး ၅ နှစ်ကျော် ကြာမြင့်လာချိန်မှာတော့ စစ်တပ်ထိန်းချုပ်ရာ နယ်မြေတွေထဲက အုပ်ချုပ်ရေးမှူးတွေဟာ ပိုမိုရဲတင်းလာကြပြီး သူတို့ရဲ့ ရာထူးရယူပွဲတွေကိုတောင် လူမှုကွန်ရက်စာမျက်နှာတွေပေါ်မှာ ပေါ်ပေါ်ထင်ထင် အောင်ပွဲခံ ကြွားဝါလာကြတာပါ။ ဒီလို ရဲတင်းလာမှုတွေရဲ့ နောက်ကွယ်မှာတော့ ရပ်ကွက်အုပ်ချုပ်ရေးမှူးရုံးတွေဟာ ပြည်သူ့ဝန်ဆောင်မှုထက် "အဂတိဈေးကွက်ဂွင်ကြီး" တခုအဖြစ် အသွင်ပြောင်း လာတယ်လို့ ဒေသခံတွေနဲ့ ရပ်မိရပ်ဖတွေက ဆိုကြပါတယ်။ အထူးသဖြင့် အငြင်းပွားဖွယ် စစ်မှုထမ်းဖို့ လူရွေးချယ်တဲ့ကိစ္စ၊ ဧည့်စာရင်းနဲ့ ထောက်ခံစာ ထုတ်ပေးတဲ့ကိစ္စတွေဟာ သူတို့အတွက် အဓိက ဝင်ငွေလမ်းကြောင်းတွေ ဖြစ်လာသလို၊ တချို့ဆိုရင် မြေလွတ်မြေရိုင်းတွေကိုပါ အကွက်ရိုက်ရောင်းစားတဲ့အထိ အာဏာကို အလွဲသုံးစားလုပ်ပြီး စီးပွားရှာနေကြတာပါ။ ဒါကြောင့် လက်ရှိကာလမှာတော့ အုပ်ချုပ်ရေးမှူးရာထူးဟာ ရပ်ရွာထဲမှာ အာဏာအရှိဆုံးဖြစ်နေသလို၊ တဖက်မှာလည်း ပြည်သူ့သွေးစုပ်ရာက ရရှိလာတဲ့ အဂတိငွေကြေးတွေနဲ့ အမြတ်ထုတ်ရာ လုပ်ကွက်ကြီးတခု ဖြစ်နေပါတယ်။ #မြန်မာ #ဧရာဝတီ #အုပ်ချုပ်ရေးမှူး #ပြည်သူ့စစ်မှုထမ်း #အဂတိဈေးကွက် #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation