ရန်ကုန်မှာ မြေလွှာတုန်ခါမှုတွေ ဘာကြောင့်ဖြစ်နေလဲ (ရုပ်/သံ)

ရန်ကုန်တိုင်း သာကေတမြို့နယ်မှာ ဇွန်လ ၂၄ ရက် မနက် ၁၀ နာရီခွဲ လောက်က ငလျင်လှုပ်သလို မြေလွှာတုန်ခါမှု နှစ်ကြိမ်ဖြစ်ပွားခဲ့တယ်လို့ မြို့ခံတွေက ဧရာဝတီကိုပြောပါတယ်။ ဒီလိုအလားတူဖြစ်စဉ်မျိုး ဇွန်လ ၆ ရက်နေ့ မနက်ပိုင်းကလည်း လှိုင်မြို့နယ်မှာ ဖြစ်ပွားခဲ့သေးတယ်လို့ မြို့ခံတွေက ပြောပါတယ်။ ဒါပေမယ့် ငလျင်တိုင်းတာရေးစက်တွေကနေတဆင့် ရရှိတဲ့ အချက်အလက်တွေကို အချိန်နဲ့ တပြေးညီဖော်ပြပေးနေတဲ့ အမေရိကန် ပြည်ထောင်စု ဘူမိဗေဒလေ့လာရေးဌာန (USGS) နဲ့အတူ အာဏာသိမ်းအစိုးရ လက်အောက်ခံ မိုးလေဝသနဲ့ ဇလဗေဒညွှန်ကြားမှုဦးစီးဌာနတို့ရဲ့ အင်တာနက် စာမျက်နှာတွေမှာတော့ အဲ့ဒီနေ့တွေက ငလျင်လှုပ်ခတ်ခဲ့ကြောင်း ထုတ်ပြန်ထားတာမတွေ့ရပါဘူး။ မြေငလျင်ပညာရှင် ဒေါက်တာမျိုးသန့်ကတော့ ဒီဖြစ်စဉ်တွေကို မြေကျွံမှုအဖြစ် စဉ်းစားချက်တွေရှိကြပေမယ့် တိကျသေချာတဲ့ အချက်အလက်တွေကို ထပ်မံသိရှိနိုင်ဖို့အတွက်တော့ လိုအပ်တဲ့ ကွင်းဆင်း ဆန်းစစ်ချက် သုတေသနတွေလုပ်ဆောင်ဖို့ လိုမယ်လို့ ဆိုပါတယ်။ #မြန်မာ #ဧရာဝတီ #ငလျင် #မြေကျွံ #ဘူမိဗေဒ #ရန်ကုန် #သာကေတ #လှိုင် #WhatsHappeningInMyanmar