4. Անբարենպաստ եղանակ

1. վատ եղանակին մեքենա վարելու վտանգները. 2. սահքի վերահսկման և անվտանգ արգելակման մեթոդներ. 3. ինչպես խուսափել բախումից անբարենպաստ եղանակային պայմաններում:  Վատ եղանակ, դժվար մեքենավարում Անբարենպաստ եղանակի ժամանակ մեքենավարման պայմանները կարող են դառնալ անկանխատեսելի և վտանգավոր: Փոշին և անձրևը կրճատում են տեսանելիությունը: Ուժեղ քամիներն ու սահող ճանապարհները ազդում են ղեկանվի աշխատանքի վրա և դժվարացնում մեքենայի վերահսկողությունը: Նման լուրջ գործոնների առկայության դեպքում ամենամեծ վտանգը ներկայացնում են այն վարորդները, ովքեր իրենց մեքենավարումը չեն հարմարեցնում վատ եղանակային պայմաններին: Ավտոճանապարհային պատահարների հետևանքով մահացածներից 5-ից 1-ը զոհվում է եղանակով պայմանավորված ընդհարումից:  Ջրի առաջացրած վտանգներ Խոնավությունը վարորդների անվտանգության վրա ազդող ամենատարածված գործոնն է: Մառախուղը կամ գետնի մակերևույթին մոտ մշուշը կարող են մեծապես սահմանափակել վարորդի տեսադաշտը: Բացի տեսանելիությունը կրճատելուց, անձրևը կարող է առաջացնել փոխադրամիջոցի ջրասահք, այսինքն՝ այն կկորցնի անվադողերի շփումը ճանապարհի մակերևույթի հետ և կսահի ջրի վրայով: Ջրի մեծ քանակությունները, օրինակ` ջրով ողողված ճանապարհները, նվազեցնում են արգելակների արդյունավետությունը:  Քողարկված սպառնալիքներ Անգամ երբ երկինքը պարզ է, բնական աղետները կարող են մեծ սպառնալիք դառնալ վարորդների համար: Որոշակի անկյան տակ արևի պայծառ լույսը կարող է ժամանակավորապես կուրացնել երթևեկության մեջ գտնվող ավտովարորդներին: Ուժեղ քամիները սահմանափակում են ղեկանվի աշխատանքը և կարող են փոխադրամիջոցներին` հատկապես խոշոր բեռնատարներին, դուրս մղել իրենց ընթացքից: Հանդիպակաց քամիները նաև օդի դիմադրություն են ստեղծում թունելներ ու փակ տարածություններ մտնելիս և դուրս գալիս: Մեկ այլ խնդիր է շոգը, որը կարող է հոգնեցնել վարորդներին կամ վատ ազդել փոխադրամիջոցի շարժիչի վրա:  Վտանգավոր անփութություն Վատ եղանակը վարորդներին ենթարկում է անկառավարելի վտանգների, մինչդեռ շատերը հրաժարվում են մեքենավարումը հարմարեցնել եղանակային պայմաններին: Այդ ավտովարորդները չափազանց արագ են վարում, չափազանց մոտ են ընթանում այլ փոխադրամիջոցներին կամ իրենց մեքենան չեն պատրաստում տարվա եղանակային փոփոխություններին: Սխալ որոշումները դժվարացնում են մեքենավարումն անբարենպաստ պայմանների ժամանակ, և այդպիսի որոշումները կարող են խճճել վարորդին, նրան վնասվածքներ կամ ավելի վատ հետևանքներ պատճառել:  Պատրաստ եղեք վատագույնին Լավագույն տարբերակը վատ եղանակին մեքենա վարելուց խուսափելն է: Ճանապարհ ընկնելուց առաջ ստուգեք եղանակը, անընդհատ հետևեք ձեր շրջապատում տիրող իրավիճակին և ունեցեք առաջին անհրաժեշտության իրեր, այդ թվում` o չփչացող ուտելիք. o շշալցված ջուր. o ծածկոց և հավելյալ կոշիկներ. o առաջին օգնության իրեր և ամրագոտու կտրիչ. o ճանապարհային քարտեզներ. o եռանկյունաձև անդրադարձիչ, զգուշացման լապտեր կամ ճանապարհի լապտեր. o կրակմարիչ: Վիճակագրությունը  Անբարենպաստ եղանակ Եղանակով պայմանավորված մահվան դեպքերի մինչև 60%-ը պատահում է անձրևի ժամանակ:  Թաց և չոր ճանապարհներ Թաց ճանապարհով 60 կմ/ժ արագությամբ ընթանալու դեպքում արգելակման ճանապարհը մեծանում է մինչև 50%-ով:  Սահմանափակ տեսանելիություն Մառախուղը կարող է կրճատել տեսանելիությունը մինչև 400 մետր կամ ավելի քիչ: