8. Ճանապարհի համատեղ օգտագործում խոշոր բեռնատարների հետ

1. խոշոր բեռնատարների ներկայացրած վտանգները. 2. ինչպես խուսափել բեռնատարի մեռյալ գոտիներից. 3. ինչպես անվտանգ կերպով կիսել ճանապարհը խոշոր մեքենաների հետ:  Մեծ ազդեցություն ունեցող վտանգներ Ճանապարհը մեծ բեռնատարների հետ կիսելն ավելի վտանգավոր է, քան մտածում են շատ վարորդներ: Բեռնատարներն ունեն ընդարձակ մեռյալ գոտիներ, և նրանց չափերը դժվարացնում են մեքենայի ղեկավարումն արտակարգ իրավիճակներում: Առևտրային բեռնատարը 20-ից 30 անգամ ավելի ծանր է, քան մարդատար մեքենան, ուստի, երբ բեռնատար ու մարդատար մեքենաներն ընդհարվում են, մարդատարը սովորաբար տուժում է:  Բեռնատարները խոշոր մեքենաներ չեն Շատ վարորդներ սխալվում են՝ բեռնատարին վերաբերվելով որպես խոշոր ավտոմեքենայի, սակայն բեռնատարի չափն ու երկարությունը ստեղծում են չափազանց մեծ վտանգի հնարավորություն, որից ցանկացած վարորդ պետք է խուսափի: Բեռնատարներին ավելի շատ ժամանակ է հարկավոր կանգ առնելու համար, դրանք ավելի դժվար են ղեկավարվում, և շրջադարձի լայն շառավիղը հաճախ դրանց ստիպում է անցնել խաչմերուկի սահմանները կամ հատել երկու գոտիները: Շատ վարորդներ, որոնք ընդհարվել են բեռնատարի հետ, հաշվի չեն առել վերջինիս չափն ու ծանրությունը:  Անկանխատեսելի վտանգներ Բեռնատարների ներկայացրած շատ վտանգներ անվերահսկելի են ձեր կողմից: Բեռնատարի անվադողերը կարող են պայթել, կամ արգելակը կարող է խափանվել` մոտակայքում գտնվող ավտովարորդներին ենթարկելով լուրջ վտանգի: Անբարենպաստ եղանակի դեպքում ջրի մեծ շիթերը նվազեցնում են տեսանելիությունը, և բեռնատարից եկող օդի ալեկոծությունը կարող է ստիպել, որ մոտակա մեքենան կորցնի վերահսկողությունը: Բեռնատարի վարորդների մյուս խնդիրը հոգնածությունն է: Հոգնածությունը կարևոր գործոն է ուղևորատար և բեռնատար փոխադրամիջոցների ընդհարումների մինչև 30%-ի համար:  Ո՞վ է մեղավոր: Բեռնատար և մարդատար մեքենաների ընդհարումներում սխալվողը հաճախ փոքր մեքենայի վարորդն է, ով անզգուշորեն փոխում է երթևեկության գոտին կամ անտեսում բեռնատարի խոշոր չափերն ու մեռյալ գոտիները: Մարդատար մեքենաների վարորդները պատասխանատու են բեռնատարների հետ ընդհարումների մեծ մասի համար:  Ընդհարումներից խուսափելու արդյունավետ միջոցներ Բեռնատարի հետ ընդհարման վտանգը նվազեցնելու ամենալավ տարբերակը դրանցից ընդհանրապես խուսափելն է: Ճանապարհին խոշոր բեռնատար մեքենա հանդիպելու դեպքում էլ հարկավոր է բեռնատարի վարորդին իրազեկել ձեր ներկայության մասին, ինչն էլ կօգնի ապահովել երկու կողմերի անվտանգությունը: Դա նշանակում է՝ o ազդանշան տալ վերադասավորման ժամանակ. o խոշոր բեռնատարներին տեղաշարժվելու տարածք տալ. o բեռնատարին վազանցելուց առաջ ստուգել հայելիներն ու մեռյալ գոտիները. o հեռու մնալ բեռնատարի մեռյալ գոտիներից: Վիճակագրությունը  Ո՞վ է հատուցում: Խոշոր բեռնատարների հետ ընդհարումներում մահացածների մինչև 85%-ը ավելի փոքր մեքենայի ուղևորներն են լինում:  Բեռնատարներն ավելի դանդաղ են կանգ առնում Որոշ բեռնատարներ 80 կմ/ժ արագությամբ ընթանալիս կանգ առնելու համար պահանջում են 50%-ով ավելի ժամանակ, քան մարդատար մեքենաները: Մարդատար մեքենա` 65 մետր 80 կմ/ժ-ում Քարշակով բեռնատար` 95 մետր 80 կմ/ժ-ում  Խուսափեք մեռյալ գոտիներից Ցանկացած պահի բեռնատարի մեռյալ գոտիներում հայտնվելիս դուք անտեսանելի եք դառնում բեռնատարի վարորդի համար: