3. Խուսափել ճանապարհը չզիջելու

1. ճանապարհը չզիջելու տարածված սխալները. 2. երբ զիջել ճանապարհը. 3. ճանապարհը չզիջելու արդյունքում առաջացող ընդհարումներից խուսափելու արդյունավետ միջոցներ:  Տարածված ընդհարումները Ճանապարհը չզիջելը ավտոճանապարհների ու մայրուղիների վրա տեղի ունեցող բախումների հաճախակի պատճառ է: Այդ բախումները տեղի են ունենում, երբ վարորդները սխալ են գնահատում ճանապարհային երթևեկության մյուս մասնակիցների գործողությունները խաչմերուկներում, վերադասավորվելիս կամ երթևեկության հոսքին միանալիս: Չնայած կարելի է հեշտությամբ կանխել ճանապարհը չզիջելու արդյունքում առաջացող բախումները, դրանք ամեն տարի բազմաթիվ մահերի պատճառ են դառնում միջինարևելյան ճանապարհներին:  Ընդհարման կետեր Առաջնահերթության կանոնները շատ կարևոր են խաչմերուկներում, բայց ոչ բոլոր վարորդներն են դրանց հետևում: Խաչմերուկներում տեղի ունեցած բախումներում մարմնական վնասվածքներ ստացած կամ զոհված վարորդների մինչև 40%-ը կատարում է երթևեկության կանոնների խախտում, օրինակ՝ ճանապարհը չզիջելը: Ձախ շրջադարձը միշտ վտանգ է պարունակում, քանի որ որոշ վարորդներ սխալ են գնահատում տրանսպորտային միջոցների արագություններն ու շրջադարձը կատարում են նախքան անվտանգ լինելը: Մեքենայի ընթացքն արագացնող կամ կարմիր լույսի տակով անցնող վարորդներն ամեն տարի հազարավոր մարդկանց են սպանում կամ մարմնական վնասվածք պատճառում:  Պակասող անհրաժեշտ տարրերը Երբ առաջնահերթության մասին խիստ անհրաժեշտ տարրերը պակասում են կամ ծածկված են տեսադաշտից, ավելի է դժվարանում կանխատեսել, թե ինչ որոշումներ կկայացնեն ճանապարհային երթևեկության մյուս մասնակիցները: Կայանված տրանսպորտային միջոցները, մեռյալ գոտիները և նույնիսկ տեղանքը կարող են թաքցնել կարևոր տեղեկատվությունը, ինչպիսիք են ճանապարհային նշաններն ու զգուշացումը մոտեցող վտանգների մասին: Երթևեկության առավելության կանոնները սահմանում են հատուկ նշանակության տրանսպորտային միջոցների և ճանապարհային երթևեկության մասնակիցների առաջնահերթ երթևեկելու իրավունքը, իսկ երբ վարորդներն անտեսում են այդ կանոնները, նրանք բոլորին վտանգի են ենթարկում:  Վտանգավոր անփութություն Ճանապարհը չզիջելու արդյունքում առաջացող բախումները հաճախ տեղի են ունենում, երբ վարորդները՝ o մոռանում են կանոնները կամ ծանոթ չեն դրանց. o ուշադիր չեն զննում երթևեկելի մասը, որպեսզի նկատեն ճանապարհային նշանները կամ երթևեկությունը. o չեն ստուգում հայելիներն ու մեռյալ գոտիները՝ վտանգներ հայտնաբերելու համար. o ուշացած են ազդանշան տալիս կամ ընդհանրապես չեն տալիս. o թույլ են տալիս, որ ուշադրության շեղումները թուլացնեն իրենց դատողությունն ու ընկալումը. o շտապում են կամ գերվստահ են, ինչի պատճառով վտանգավոր որոշումներ են կայացնում ճանապարհին:  Խուսափեք ճանապարհը չզիջելու արդյունքում առաջացող բախումներից Սովորական քաղաքավարությունն ու ճիշտ վերաբերմունքը կարող են մեծ դեր խաղալ և օգնել, որպեսզի չկատարեք լուրջ բախման հանգեցնող սխալ դատողություններ: Դա նշանակում է՝ o ճանապարհը զիջել ընդհարման վտանգ ներկայացնող բոլոր տրանսպորտային միջոցներին. o երթևեկության գոտիները փոխելիս կամ շրջադարձ կատարելիս պատշաճ ազդանշանով տեղեկացնել մտադրությունների մասին. o խուսափել ուշադրությունը շեղող հանգամանքներից. o պլանավորել երթուղին և ճանապարհ ընկնել ավելի վաղ՝ հարկադրված արագ վարելուց խուսափելու համար. o ճանապարհը զիջել հատուկ առաջնահերթություն պահանջող տրանսպորտային միջոցներին, ինչպիսիք են հատուկ նշանակության մեքենաները: Վիճակագրությունը  Թանկ սխալներ Ամեն տարի ավելի քան 68000 բախում է տեղի ունենում Միջին Արևելքում, երբ վարորդները չեն զիջում ճանապարհը:  Վտանգավոր անուշադրություն Անուշադիր վարորդները մինչև 4 անգամ ավելի հաճախ են բախումների ենթարկվում, քան ուշադիր վարորդները:  Հետդարձ չկա Երկու տրանսպորտային միջոցների մասնակցությամբ մահացու ելքով բախումներում երթևեկության առաջնահերթության խախտումները մինչև 6,5 անգամ ավելի սովորական են, երբ մեքենաներից մեկը ձախ շրջադարձ է կատարում, քան երբ երկուսն էլ ընթանում են ուղիղ: