2. Անվտանգ մեքենավարում գիշերը

1. ինչու է գիշերը մեքենավարումն այդքան վտանգավոր. 2. գիշերային և ցերեկային մեքենավարման տարբերությունները. 3. անվտանգ գիշերային մեքենավարման համար անհրաժեշտ հմտություններ:  Գիշերային մեքենավարման վտանգները Ընդհանրապես, գիշերը մեքենավարելն ավելի վտանգավոր է, քան ցերեկը: Տեսանելիությունը և խորության ընկալումը զգալիորեն կրճատվում են՝ դժվարացնելով հնարավոր վտանգների հայտնաբերումն ու շրջանցումը վարորդների կողմից: Ավելի մեծ թվով հոգնած, ոչ սթափ վիճակում գտնվող և արագությունը գերազանցող վարորդներն իրենց հերթին են ավելացնում ճանապարհային վտանգները:  Պայծառ լույսի խնդիրը Կուրացնող լույսը վարորդների համար գիշերը լուրջ խնդիր է ներկայացնում: Մթությունը ստիպում է, որ ձեր աչքերի բիբերը լայնանան՝ լրացուցիչ լույս ներս թողնելու համար: Հանդիպակաց փոխադրամիջոցների ցոլալապտերները կամ հետևի դիտահայելիներում արտացոլվող պայծառ լույսը կարող են առաջացնել մի քանի վայրկյան տևող ժամանակավոր կուրություն: Այդ մի քանի վայրկյանի ընթացքում երթևեկելով 80 կմ/ժ արագությամբ` դուք մոտավորապես 45 մետր կանցնեք կույր վիճակում: (80 կմ/ժ = 22 մետր վայրկյանում)  Ցոլալապտերների լուսավորած տարածքում արգելակելու անկարողություն Գիշերը տեսանելիությունը սահմանափակվում է ձեր ցոլալապտերների լուսավորած տարածքով: Միջին հաշվով՝ մոտարձակ ցոլալապտերներն ապահովում են մոտ 50 մետր հեռավորությամբ տեսադաշտ: 80 կմ/ժ արագության դեպքում մեքենային հարկավոր է մոտ 65 մետր՝ լիովին կանգ առնելու համար: Հավելյալ արգելակման ճանապարհը` ցոլալապտերների ընդգրկույթից դուրս, համարվում է վտանգավոր «կույր» գոտի ցոլալապտերների լուսավորության սահմաններից դուրս, քանի որ վարորդները չեն կարող խուսափել վտանգներից՝ առանց դրանք տեսնելու:  Մահացու անսթափություն Ալկոհոլի և թմրանյութերի ազդեցության տակ ոչ սթափ մեքենավարումը գիշերային ընդհարումների և մահվան դեպքերի հիմնական պատճառներից է: Ոչ սթափ վիճակում գտնվող վարորդները ցուցաբերում են անկանոն վարք, կատարում են վտանգավոր մանևրներ և լուրջ վտանգ են ներկայացնում ճանապարհային երթևեկության բոլոր մասնակիցների համար: Եթե կասկածներ ունեք, որ վարորդը սթափ վիճակում չէ, հեռու մնացեք փոխադրամիջոցից և պատրաստ եղեք անսպասելիին:  Գիշերն անվտանգ մեքենավարման համար հարկավոր հմտություններ Գիշերային մեքենավարումը ներկայացնում է մի շարք յուրահատուկ վտանգներ: Ահա մի քանի պաշտպանական մեքենավարման հմտություններ, որոնք ձեզ կօգնեն խուսափել գիշերային ընդհարումներից: o Մեքենավարումից առաջ բավարար ժամանակ հատկացրեք, որպեսզի ձեր աչքերը պայծառ լույսի պայմաններից հարմարվեն մթությանը: o Թեթևակի հայացք նետեք դեպի աջ և պերիֆերային տեսողությամբ հետևեք առջևի ճանապարհին՝ մոտեցող ցոլալապտերների պայծառ լույսից խուսափելու համար: o Նվազեցրեք ձեր արագությունը և մեծացրեք հեռավորությունը երկու մեքենաների միջև՝ ձեր ցոլալապտերների լուսավորած տարածքում արգելակել կարողանալու համար: o Մեքենավարման նախորդ գիշերը քնեք առնվազն 7-ից 9 ժամ՝ ղեկի վրա քնկոտությունից խուսափելու համար: Վիճակագրությունը  Գիշերային և ցերեկային վտանգներ Գիշերը մեքենավարելը 4 անգամ ավելի վտանգավոր է, քան՝ ցերեկը:  Ծերացող աչքերին ավելի շատ լույս է հարկավոր 20 տարեկանում առողջ աչքերը սկսում են մթության մեջ առարկան պարզ տեսնելու համար ավելի շատ լույսի կարիք զգալ:  Հոգնածությունից թուլացած 17 ժամ արթուն մնալուց հետո ղեկին գտնվող վարորդը ավելի անսթափ է մեքենավարում, քան արյան մեջ 0,05% ալկոհոլ ունեցող վարորդը: