E365 | మహిళా శక్తి తో ప్రకృతి వ్యవసాయానికి జీవం | గనిపి శెట్టి పద్మజ | బాపట్ల జిల్లా

బాపట్ల జిల్లాకు చెందిన మహిళా రైతు గనిపి శెట్టి పద్మజ ప్రకృతి వ్యవసాయంలో ఆదర్శంగా నిలుస్తున్నారు. 2023లో నేచురల్ ఫార్మింగ్ ఉమెన్ కేటగిరీలో అంతర్జాతీయ స్థాయిలో ఉత్తమ మహిళా రైతు అవార్డు అందుకున్నారు. 65 సెంట్ల భూమిలో ఫైవ్ లేయర్ మోడల్, ఉసిరి తోట, ఆపిల్ బేర్ వంటి పంటలను సాగు చేస్తూ 21 రకాల పండ్ల చెట్లను పెంచుతున్నారు. జీవామృతం, ఘనజీవామృతం, దశపర్ణి కషాయం, పీఎండీఎస్ వంటి ప్రకృతి వ్యవసాయ పద్ధతులను అనుసరిస్తూ భూసారాన్ని పెంచుతున్నారు. అంతర పంటల ద్వారా కుటుంబ ఖర్చులను తీర్చుకుంటూ, పండ్ల తోటల ద్వారా అదనపు ఆదాయం పొందుతున్నారు. తక్కువ పెట్టుబడితో అధిక లాభాలు సాధిస్తూ, ప్రకృతి వ్యవసాయం వల్ల భూమి ఆరోగ్యం, పర్యావరణ పరిరక్షణ, రైతు ఆదాయం మెరుగుపడతాయని ఆమె నిరూపిస్తున్నారు.