E372 | గులిరాగితో స్థిరమైన లబ్ధి | కొర్ర పండన్న | అల్లూరి సీతారామరాజు జిల్లా

అల్లూరి సీతారామరాజు జిల్లా, డుంబ్రిగూడ మండలం గుప్పలవలస గ్రామానికి చెందిన కొర్ర పండన్న ప్రకృతి వ్యవసాయంలో గులి రాగి పద్ధతిని విజయవంతంగా అమలు చేస్తున్న రైతు.2016లో గులి రాగి సాగు విధానాన్ని తన పొలంలో ప్రారంభించారు. 18–20 రోజుల నారును అడుగు దూరంలో నాటి, ఘనజీవామృతం, ద్రవజీవామృతం వినియోగిస్తూ ప్రత్యేక నిర్వహణ పద్ధతులు పాటించడం ద్వారా ఎకరానికి 14 క్వింటాళ్లకు పైగా దిగుబడి సాధించారు. రాగితో పాటు టమాటా, ఉల్లి, మొక్కజొన్న, బీన్స్, పెసలు వంటి 10–15 రకాల పంటలను పండిస్తూ 365 రోజులు ఆదాయం పొందుతున్నారు. చిరుధాన్యాల ప్రాధాన్యతను చాటి చెబుతూ ఇతర రైతులకు స్ఫూర్తిగా నిలుస్తున్నారు.