E373 | ప్రకృతి పద్దతులతో ఆదాయం, ఆరోగ్యం | ఎద్దుల రామకృష్ణ | నంద్యాల జిల్లా

నంద్యాల జిల్లా డోన్ మండలం కామగానిగుంట గ్రామానికి చెందిన రామకృష్ణ యువ రైతుగా ప్రకృతి వ్యవసాయంలో ఆదర్శంగా నిలుస్తున్నారు. డిగ్రీ పూర్తి చేసిన తర్వాత ఉద్యోగం కాకుండా వ్యవసాయాన్ని ఎంచుకుని, నాలుగు సంవత్సరాలుగా ప్రకృతి వ్యవసాయం చేస్తున్నారు. యూట్యూబ్ ద్వారా రైతు సాధికార సంస్థ వీడియోలను చూసి ప్రకృతి వ్యవసాయ పద్ధతులను నేర్చుకున్నారు. మునగను ప్రధాన పంటగా సాగు చేస్తూ, టమోటా, మిరప, కాకర, ఆకుకూరలు వంటి అంతర పంటలను పండిస్తున్నారు. ఘనజీవామృతం, ద్రవజీవామృతం, నీమాస్త్రం వంటి జీవ ఉత్ప్రేరకాలను వినియోగిస్తూ తక్కువ పెట్టుబడితో మంచి దిగుబడులు సాధిస్తున్నారు. ఏటీఎం మోడల్ ద్వారా ఏడాది పొడవునా ఆదాయం పొందుతూ, ఆరోగ్యకరమైన ఆహారం మరియు పర్యావరణ పరిరక్షణలో ప్రకృతి వ్యవసాయం ప్రాముఖ్యతను చాటుతున్నారు.