E370 | నవధాన్యాల సాగులో పంట కోత ప్రయోగం | ఏలూరు జిల్లా

ఏలూరు జిల్లా కొయ్యలగూడెం మండలం బయ్యన్నగూడెంలో 23 ఎకరాల విస్తీర్ణంలో ఏర్పాటు చేసిన పీఎండీఎస్ కంపాక్ట్ బ్లాక్‌లో నిర్వహించిన అధ్యయనం ప్రకృతి వ్యవసాయ ప్రయోజనాలను స్పష్టంగా చూపించింది. ఇందులో 30 కిలోలు, 22 కిలోలు, 15 కిలోల విత్తనాలతో మూడు వేర్వేరు నమూనాలు అమలు చేశారు. పరిశీలనలో భాగంగా ఎక్కువ విత్తనాలు ఉపయోగించిన ప్లాట్లలో అధిక బయోమాస్ ఉత్పత్తి కావడంతో పాటు భూమిలో కార్బన శాతం, భూమి గుల్లబారడం, సేంద్రియ పదార్థాల నిల్వ పెరిగినట్లు గుర్తించారు. 30 కిలోల విత్తనాలు వేసిన ప్లాట్‌లో భూమి స్వభావంలో గణనీయమైన మార్పులు కనిపించాయి. పీఎండీఎస్ ద్వారా పచ్చిరొట్ట ఎరువు సమృద్ధిగా ఏర్పడి భూసారం పెరుగుతుందని, తదుపరి పంటలకు మెరుగైన వృద్ధి, దిగుబడులకు దోహదపడుతుందని నిపుణులు తెలిపారు. ఈ ప్రయోగం ప్రకృతి వ్యవసాయంలో పీఎండీఎస్ ప్రాముఖ్యతను మరింత బలంగా నిరూపించింది.