9. Խաչմերուկներ

1. ինչու են խաչմերուկները վտանգավոր. 2. տարածված սխալները, որ վարորդները գործում են խաչմերուկներում. 3. խաչմերուկներում անվտանգ երթևեկելու մեթոդները: Փոխգործողություններ ծանրաբեռնված երթևեկության պայմաններում Խաչմերուկում բոլորը՝ ավտովարորդները, հեծանվորդները և հետիոտները, ընթացուղիները հատում են տարբեր արագություններով և տարբեր ուղղություններից՝ խիտ տարածության մեջ: Բազմաթիվ նշանները, ազդանշաններն ու ճանապարհային գծանշումները նույնպես կարող են լինել ճնշող և ուշադրությունը շեղող: Արդյունքում ծագած շփոթմունքը հաճախ հանգեցնում է մահվան ելքի: Մահվան ելքով 5 ճանապարհատրանսպորտային պատահարներից առնվազն 1-ը տեղի է ունենում խաչմերուկում: Սխալ պատկերացում խաչմերուկների մասին Շատ մարդիկ կարծում են, թե խաչմերուկը քառակողմ փոխհատում է ճանապարհային նշաններով, բայց շրջանաձև երթևեկությամբ խաչմերուկները, T-աձև ճամփաբաժանները, զիգզագաձև խաչմերուկները, առբերման ճանապարհները և հետիոտնային անցումները նույնպես խաչմերուկի օրինակներ են: Ցանկացած տեղում, ուր երկու կամ ավելի ճանապարհներ փոխհատվում են, բախման վտանգը մեծանում է: Անվերահսկելի վտանգներ Խաչմերուկում առկա վտանգները հաճախ ավելանում են՝ շնորհիվ վարորդի վերահսկողությունից դուրս գտնվող գործոնների: Անբարենպաստ եղանակը կարող է մեծապես ավելացնել մեքենայի արգելակման ճանապարհը: Կայանված տրանսպորտային միջոցները, տեղանքը և ճանապարհային աշխատանքները կարող են անորոշ դարձնել ուղիղ տեսանելիության գծերը, և ճանապարհային երթևեկության մյուս մասնակիցները կարող են գործել անսպասելի կամ վտանգավոր կերպով: Հետիոտների ու հեծանվորդների՝ ճանապարհային երթևեկության ամենախոցելի մասնակիցների հետ տեղի ունեցող ընդհարումների մինչև 50%-ը պատահում է խաչմերուկներում: Տարածված վարորդական սխալներ Հետևյալ վարորդական սխալները դառնում են տարածված խաչմերուկային ընդհարումներից շատերի պատճառ՝ o անցում կարմիր կամ դեղին լույսի տակով. o ուշ ազդանշանում կամ ընդհանրապես ազդանշանի բացակայություն. o վերադասավորում վերջին պահին կամ խաչմերուկի ներսում. o մոռանալը ստուգել ճանապարհային երթևեկության այլ մասնակիցների առկայությունը մեռյալ գոտիներում Անվտանգ երթևեկություն խաչմերուկներում Ահա որոշ կարևոր մեթոդներ՝ նվազեցնելու խաչմերուկում երթևեկելու ռիսկը՝ o անընդհատ զննեք շրջակայքը՝ վտանգները նկատելու համար. o պատրաստ եղեք արգելակելու՝ ոտքը դնելով արգելակի ոտնակին, և անհրաժեշտության դեպքում կանգ առնելու. o նախապես ազդանշան տվեք և վերադասավորվեք խաչմերուկից շատ առաջ. o եղեք համբերատար: Մի մտեք խաչմերուկ, մինչև վստահ չլինեք, որ կարող եք այնտեղից դուրս գալ անվտանգ: Վիճակագրությունը  Ընդհարման ծուղակներ Բոլոր ընդհարումների մինչև 60%-ը տեղի է ունենում խաչմերուկներում:  Կողային հարվածի վտանգը Ժամանակակից ավտոմեքենաներից շատերը չեն պաշտպանում 50 կմ/ժ-ը գերազանցող արագությամբ տեղի ունեցող կողային բախումներից:  Ընդհարման կետեր Ավանդական խաչմերուկն ունի մեքենա-մեքենա ընդհարման 32 կետ և մեքենա-հետիոտն ընդհարման 24 կետ: